fbpx
Mánudagur 17.janúar 2022
Pressan

Rússneska leyniþjónustan heitir Talibönum verðlaunum fyrir að drepa erlenda hermenn í Afganistan

Kristján Kristjánsson
Sunnudaginn 28. júní 2020 11:30

Frá Afganistan.

Ekki missa af Helstu tíðindum dagsins í pósthólfið þitt

Lesa nánar

Rússneska leyniþjónustan hefur heitið vígamönnum Talibana verðlaunum fyrir að drepa hermenn úr liði bandamanna í Afganistan, þar á meðal eru bandarískir hermenn og hermenn frá nokkrum Evrópuríkjum.

New York Times skýrir frá þessu og hefur eftir bandarískum embættismönnum. Upplýsingarnar hafa ekki fengist staðfestar opinberlega og yfirvöld í Rússlandi og Bandaríkjunum hafa neitað að tjá sig um þær og Talibanar sömuleiðis.

Fram kemur að það sé sérstaklega ein deild rússnesku leyniþjónustunnar sem sjónir manna beinist að en hún er sögð hafa heitið verðlaunum fyrir dráp á hermönnum bandamanna á sama tíma og Bandaríkin og Talibanar hafa reynt að semja um frið í þessu stríðshrjáða landi. Þessi sama deild hefur áður verið tengd við morðtilraunir og aðrar aðgerðir, sem þola illa dagsljós, í Evrópu. Markmiðið er sagt vera að raska því jafnvægi sem ríkir á Vesturlöndum.

New York Times hefur eftir heimildarmönnum sínum að Talibönum og/eða glæpamönnum, sem tengjast hryðjuverkasamtökunum, hafi verið boðnir peningar fyrir að drepa hermenn bandalagsþjóðanna og að þeir hafi fengið hluta af peningunum greidda.

Vitað er að 20 bandarískir hermenn voru drepnir í Afganistan á síðasta ári. Ekki liggur fyrir hvaða dráp tengjast verðlaunafénu.

Donald Trump og ríkisstjórn hans hafa að sögn fengið upplýsingar um málið og hvernig sé hugsanlega hægt að bregðast við en enn hefur ekki verið tekið ákvörðun um hvernig verður brugðist við.

Ef upplýsingar New York Times eru réttar þá þýðir það að „skuggahernaður“ Rússa gegn Vesturlöndum er kominn á nýtt stig. Í „skuggahernaði“ eru tölvuárásir, rangar fréttir og leynilegar aðgerðir mikilvægustu þættirnir.

Hvíta húsið þvertekur fyrir að Trump hafi fengið upplýsingar um málið og segir að Mike Pence, varaforseti, hafi heldur ekki fengið þær.

Sky hefur eftir breskum leyniþjónustumönnum að upplýsingar New York Times séu réttar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Frakkar banna sölu á ávöxtum og grænmeti í plasti

Frakkar banna sölu á ávöxtum og grænmeti í plasti
Pressan
Í gær

Lögreglumönnunum brá mikið þegar þeir opnuðu kassann – „Eitt það klikkaðasta sem ég hef upplifað“

Lögreglumönnunum brá mikið þegar þeir opnuðu kassann – „Eitt það klikkaðasta sem ég hef upplifað“
Pressan
Fyrir 2 dögum

Auknar njósnir erlendra ríkja í Danmörku – Kína og Rússland nefnd sérstaklega til sögunnar

Auknar njósnir erlendra ríkja í Danmörku – Kína og Rússland nefnd sérstaklega til sögunnar
Pressan
Fyrir 2 dögum

Meiri líkur á að konur deyi á skurðarborðinu ef skurðlæknirinn er karl

Meiri líkur á að konur deyi á skurðarborðinu ef skurðlæknirinn er karl
Pressan
Fyrir 4 dögum

Nauðgaði eftir Tinder-stefnumót og sendi hræðileg skilaboð til fórnarlambs

Nauðgaði eftir Tinder-stefnumót og sendi hræðileg skilaboð til fórnarlambs
Pressan
Fyrir 4 dögum

Fékk óvæntan laumufarþega í eyrað eftir sundferð – „Það var kakkalakkinn að hreyfa sig í hausnum á mér“

Fékk óvæntan laumufarþega í eyrað eftir sundferð – „Það var kakkalakkinn að hreyfa sig í hausnum á mér“
Pressan
Fyrir 4 dögum

Ný rannsókn – 90% minni líkur á að látast af völdum Ómíkron en Deltaafbrigðinu

Ný rannsókn – 90% minni líkur á að látast af völdum Ómíkron en Deltaafbrigðinu
Pressan
Fyrir 4 dögum

Fór á blint stefnumót og hefur ekki komist heim í viku vegna sóttvarnaaðgerða

Fór á blint stefnumót og hefur ekki komist heim í viku vegna sóttvarnaaðgerða