Sunnudagur 08.desember 2019
Pressan

Ferðin í sólbaðsstofuna breyttist í algjöra martröð – Maja lokaðist inni í ljósabekk í 10 klukkustundir

Kristján Kristjánsson
Miðvikudaginn 20. nóvember 2019 06:00

Ljósabekkur í notkun. Mynd:Wikimedia Commons

Ekki missa af Helstu tíðindum dagsins í pósthólfið þitt

Lesa nánar

Þegar Maja Grønlund, 32 ára, fór í sólbaðsstofuna ClubTan í Ringsted í Danmörk í apríl átti hún ekki von á öðru en að liggja í ljósabekk í smá stund og fara heim. En heimsóknin breyttist í algjöra martröð því hún festist í ljósabekknum og lá í honum í 10 klukkustundir.

Lokið á bekknum læstist fast og gat Maja ekki á nokkurn hátt losað það og var því föst í bekknum. Þar lá hún grátandi og öskrandi og gat ekkert gert sér til bjargar. Farsímann hafði hún eðlilega ekki tekið með sér þegar hún lagðist í bekkinn og gat því ekki hringt eftir aðstoð.

Í samtali við Ekstra Bladet sagðist hún hafa farið í bekkinn rétt fyrir klukkan 22. Þegar hún hafði legið í bekknum í um 10 mínútur hafi hún heyrt háan hvell og hafi þá uppgötvað að lokið var fast. Hún hafði greitt fyrir 17 mínútna sólartíma og eftir þær mínútur slokknaði á bekknum. Um miðnætti slokknuðu svo öll ljós í sólstofunni.

Eftir því sem mínúturnar liðu varð Maja ljóst að enginn myndi koma henni til bjargar.

„Mér fannst eins og ég væri grafin lifandi.“

Unnusti hennar fór að hafa áhyggjur af henni og hringdi í hana en hún svaraði auðvitað ekki. Hann hringdi því í eiganda sólstofunnar sem sagði honum að Maja hefði líklegast bara sofnað en hún gæti alltaf komist út þótt dyrnar væru læstar. Sama skýring fékkst hjá lögreglunni.

Um morguninn hringdi unnustinn aftur í eigandann sem sagði honum að þrifatæknir, sem býr nærri stofunni, myndi koma með lykla og opna fyrir honum. Þegar unnustinn kom á staðinn var þrifatæknirinn ekki kominn en útidyrnar höfðu sjálfkrafa farið úr lás á ákveðnum tíma. Hann fór inn og heyrði Maja öskra. Hann komst þó ekki inn til hennar því það var læst þangað inn, hann náði því í skóflu í bílinn sinn og braut gler til að komast inn til hennar. Lokið var svo fast að hann gat rétt svo lyft því nokkra sentimetra en það dugði Maja til að skríða út úr bekknum.

Hún hefur glímt við töluverð eftirköst af þessu og hefur meðal annars þurft að fá aðstoð sálfræðings.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 2 dögum

Dauði poppstjörnu kyndir undir umræðu um „njósnamyndavélafaraldur“

Dauði poppstjörnu kyndir undir umræðu um „njósnamyndavélafaraldur“
Pressan
Fyrir 2 dögum

Bjó til erfðabreytta tvíbura – Sakaður um siðferðisbrot: Ófyrirsjáanlegt hverjar stökkbreytingarnar í börnunum verða

Bjó til erfðabreytta tvíbura – Sakaður um siðferðisbrot: Ófyrirsjáanlegt hverjar stökkbreytingarnar í börnunum verða
Fyrir 3 dögum

Fluguveiði aðeins leyfð í Elliðaánum

Fluguveiði aðeins leyfð í Elliðaánum
Pressan
Fyrir 3 dögum

Sjötugur barnaníðingur dæmdur til ótímabundinnar vistunar í fangelsi

Sjötugur barnaníðingur dæmdur til ótímabundinnar vistunar í fangelsi
Pressan
Fyrir 4 dögum

„Ertu virkilega með svona stór brjóst?“

„Ertu virkilega með svona stór brjóst?“
Pressan
Fyrir 4 dögum

Svona getur þú takmarkað eyðsluna í jólamánuðinum

Svona getur þú takmarkað eyðsluna í jólamánuðinum