Kókaínið er pakkað inn í glært eða svart plast sem á er ritað „diamante“ eða „brillante“. New York Post skýrir frá þessu. Þetta er sami texti og var á álíka pökkum sem rak upp á strendur í Flórída í september þegar fellibylurinn Dorian gekk yfir.
Nú þegar hafa um 760 kíló af kókaíni fundist á frönsku ströndunum. Söluverðmæti þess er sem nemur allt að 10 milljörðum íslenskra króna. Pakkarnir hafa fundist víða á um 500 km strandlengju að sögn saksóknara í Rennes.
Lögreglan telur að kókaínið sé frá Suður-Ameríku. Verið er að kanna hvort bátur, á vegum smyglara, hafi lent í óveðri eða lent í hafsnauð og hafi því varpað farminum fyrir borð.