Í ágúst voru 20 skotnir til bana og 26 særðir í skotárás í verslun Walmart í El Paso í Texas í Bandaríkjunum. Glendon Oakley, 22 ára, var í versluninni þegar þetta gerðist. Barn kom hlaupandi inn í verslunina og sagði að skotum hefði verið hleypt af utandyra.
Hann fór út úr versluninni og sá þar mörg börn sem voru án foreldra sinna.
„Ég sá mörg börn hlaupa um, foreldrar þeirra ekki með þeim. Ég hugsaði bara um börnin og tók eins mörg upp og ég gat og bar þau,“ sagði hann við CNN í ágúst.
Hann var hylltur sem hetja eftir þetta og engin furða. En nú hefur hann verið handtekinn því hann stakk af frá herþjónustu. ABC News skýrir frá þessu. Hann var handtekinn snemma á fimmtudag í síðustu viku í Texas.