Þriðjudagur 10.desember 2019
Pressan

Handtekinn vegna 45 ára gamals morðmáls – Ný DNA-tækni kom lögreglunni á sporið

Kristján Kristjánsson
Mánudaginn 25. febrúar 2019 22:00

Linda O'Keefe

Ekki missa af Helstu tíðindum dagsins í pósthólfið þitt

Lesa nánar

Árið 1973 fannst Linda O‘Keefe, 11 ára, myrt í Newport Beach í Kaliforníu í Bandríkjunum. Hún hafði verið beitt kynferðislegu ofbeldi og síðan kyrkt. Málið var óupplýst þar til nýlega að lögreglan handtók 72 ára kvæntan mann, sem er afi, vegna málsins. Hann er grunaður um að hafa myrt Lindu. Það var ný tækni við DNA-rannsóknir sem nýttist lögreglunni og kom upp um manninn.

Denver Post segir að á þriðjudaginn í síðustu viku hafi James Neal, 72 ára, verið handtekinn í Colorado vegna málsins.

„Við gleymdum Lindu aldrei.“

Sagði Jon Lewis, lögreglustjóri í Newport Beach, á fréttamannafundi þar sem tilkynnt var um handtökuna.

Linda sást síðast á lífi þann 6. júlí 1973 þegar hún gekk heim úr skóla. Lík hennar fannst næsta dag en 45 ár liðu þar til meintur morðingi hennar var handtekinn.

James Neal er grunaður um morðið.

Neal bjó í Kaliforníu í byrjun áttunda áratugarins og starfaði við byggingarvinnu þegar Linda var myrt. Fljótlega eftir morðið flutti hann til Flórída og breytti nafni sínu. DNA fannst við lík Lindu en þegar tækninni fleygði fram og hægt var að rannsaka lífsýnið betur fannst engin svörun í gagnabönkum lögreglunnar.

En með nýrri aðferð, sem lögreglan hefur beitt mikið að undanförnu, tókst að hafa uppi á Neal. Í aðferðinni felst að lögreglan notar DNA-upplýsingar úr almennum gagnabönkum um erfða- og ættfræði til að finna fólk. Í janúar gaf DNA-sýnið svörun við sýni úr ættingja Neal og í framhaldinu komst lögreglan á spor hans.

Foreldrar Lindu eru látnir en systkinum hennar var strax tilkynnt um handtökuna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Örvænting eftir eldgos: Fimm eru látnir og óttast um líf 20 til viðbótar – Myndband

Örvænting eftir eldgos: Fimm eru látnir og óttast um líf 20 til viðbótar – Myndband
Pressan
Í gær

Skelfilegar fréttir um ástand heimshafanna – Súrefnismagn fer minnkandi

Skelfilegar fréttir um ástand heimshafanna – Súrefnismagn fer minnkandi
Pressan
Fyrir 2 dögum

Eiginkonan, börnin og nágrannarnir vissu ekki um leyndarmál hans: „Hann leit á fórnarlömb sín sem rusl“

Eiginkonan, börnin og nágrannarnir vissu ekki um leyndarmál hans: „Hann leit á fórnarlömb sín sem rusl“
Pressan
Fyrir 3 dögum

Dæmdur í lífstíðarfangelsi fyrir að myrða sex vikna son sinn

Dæmdur í lífstíðarfangelsi fyrir að myrða sex vikna son sinn
Pressan
Fyrir 4 dögum

Mennirnir skotnir til bana í morgun: Grunaðir um hópnauðgun og morð

Mennirnir skotnir til bana í morgun: Grunaðir um hópnauðgun og morð
Pressan
Fyrir 4 dögum

142.000 manns létust úr mislingum 2018

142.000 manns létust úr mislingum 2018
Pressan
Fyrir 4 dögum

Bjó til erfðabreytta tvíbura – Sakaður um siðferðisbrot: Ófyrirsjáanlegt hverjar stökkbreytingarnar í börnunum verða

Bjó til erfðabreytta tvíbura – Sakaður um siðferðisbrot: Ófyrirsjáanlegt hverjar stökkbreytingarnar í börnunum verða
Pressan
Fyrir 4 dögum

„Spillingarlaust“ land þarf að horfast í augu við raunveruleikann

„Spillingarlaust“ land þarf að horfast í augu við raunveruleikann