Það má velta fyrir sér hvernig ökumanni bílsins, sem sést á meðfylgjandi mynd, tókst að koma honum svona hátt upp í tré. Ökumaðurinn, konan, er grunuð um ölvun við akstur. Sem betur fer urðu engin alvarleg slys á fólki í þessu undarlega óhappi.
Konan ók á símastaur á þjóðvegi nærri Shrewsbury á Englandi snemma á sunnudaginn og virðist bíll hennar síðan hafa flogið hátt upp og lent í trénu. Lögreglan birti meðfylgjandi mynd af bíl konunnar enda ekki á hverjum degi sem bílar sjást staðsettir eins og þessi.
