fbpx
Mánudagur 22.júlí 2024
Fréttir

Öfgaflokkur með mikinn stuðning meðal Pólverja á Íslandi – Sérstaklega í Reykjanesbæ

Kristinn H. Guðnason
Þriðjudaginn 17. október 2023 13:00

Kryzstof Bosak er einn af leiðtogum öfgaflokksins Sambandsins. Mynd/Getty

Ekki missa af Helstu tíðindum dagsins í pósthólfið þitt

Lesa nánar

Öfgahægriflokkurinn Sambandið fékk rúmlega tvöfalt meira fylgi á meðal Pólverja á Íslandi en í Póllandi í þingkosningunum sem fram fóru á sunnudag. Stjórnarflokkurinn Lög og réttlæti beið afhroð.

Tæplega 6 þúsund Pólverjar á Íslandi kusu í þingkosningunum, í fimm kjördeildum. Reykjavík, Hafnarfirði, Reykjanesbæ, Akureyri og Vík í Mýrdal. Niðurstöðurnar hér voru nokkuð á skjön við heildarúrslit kosninganna.

 

Stjórnarflokkurinn beið afhroð

Eins og fram hefur komið missti stjórnarflokkurinn, hægri pópúlistaflokkurinn, Lög og réttlæti hreinan meirihluta sinn sem hann hefur haft undanfarin tvö kjörtímabil. Flokkurinn fékk aðeins 35,4 prósenta fylgi og útlit er fyrir að hann verði í stjórnarandstöðu.

Á Íslandi fékk Lög og réttlæti hins vegar aðeins 10,1 prósenta fylgi. Mest fylgi fékk flokkurinn í Hafnarfirði, 12 prósent, en innan við 6 prósent í Vík. Í síðustu þingkosningum, árið 2019, studdu 17 prósent Pólverja á Íslandi flokkinn.

Öfgamenn með mikið fylgi

Pólverjar á Íslandi eru hins vegar mun hrifnari af Sambandinu, sambandi flokka hægri öfgamanna. Flokkurinn fékk aðeins rúmlega 7 prósenta fylgi í heildarkosningunni en á Íslandi fékk hann 15,4 prósent.

Flokkurinn tekur til dæmis mjög harða afstöðu gegn innflytjendum, hinsegin fólki og Evrópusambandinu og vill algjört bann við þungunarrofi. Þá hafa flokksmenn orðið uppvísir að gyðingahatri.

Sambandið fékk mest fylgi hjá Pólverjum í Reykjanesbæ, 18,1 prósent, og er næst stærsti flokkurinn þar. Í Hafnarfirði fékk Sambandið 16 prósenta fylgi, rúmlega 14 prósenta í Reykjavík en tæplega 14 prósent á Akureyri og Vík.

Pólverjar á Íslandi eru langhrifnastir af Donald Tusk og Borgaravettvangi hans. Mynd/Getty

Frjálslyndir og vinstrimenn sigurvegarar

Helstu sigurvegarar kosninganna á Íslandi eru Borgaravettvangurinn, sem Donald Tusk leiðir, og bandalag vinstri manna, eða Nýja vinstrið.

Hinn frjálslyndi Borgaravettvangur fékk rúmlega 35 prósent atkvæða á Íslandi, en tæplega 31 prósent ytra. Flokkurinn var langstærstur í öllum kjördæmum og fékk mest fylgi á Akureyri, 36,5 prósent.

Vinstrimenn töpuðu fylgi í heildarkosningunni og fengu aðeins 8,6 prósent. Pólverjar á Íslandi eru hins vegar mun vinstrisinnaðri því að Nýja vinstrið fékk 20,7 prósent hér. Mest á Akureyri, 25,2 prósent, en minnst í Reykjanesbæ, 16,4 prósent.

Þriðja leiðin, evrópusinnað bandalag miðjumanna, fékk 14 prósent hér á landi sem er mjög svipað hlutfall og í heildarkosningunni. Mest fylgi fékk flokkurinn á Vík, 16,2 prósent.

 

 

 

 

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Fjöldi fólks varð strandaglópar í Búdapest þegar flug Wizz air féll niður – Maður í hjólastól lofar viðbrögð Íslensku Klíníkurinnar

Fjöldi fólks varð strandaglópar í Búdapest þegar flug Wizz air féll niður – Maður í hjólastól lofar viðbrögð Íslensku Klíníkurinnar
Fréttir
Í gær

Costco reiknar ekki með að „heimsendafatan“ verði til sölu hérlendis – Aðeins ákall neytenda gæti breytt því

Costco reiknar ekki með að „heimsendafatan“ verði til sölu hérlendis – Aðeins ákall neytenda gæti breytt því
Fréttir
Fyrir 2 dögum

Strandamenn óhamingjusamastir en Skagfirðingar ánægðastir með lífið

Strandamenn óhamingjusamastir en Skagfirðingar ánægðastir með lífið
Fréttir
Fyrir 2 dögum

Datt illa í vinnunni og slasaðist – Var handtekinn í kjölfarið þegar upp komst að hvorki dvalar- né atvinnuleyfi var til staðar

Datt illa í vinnunni og slasaðist – Var handtekinn í kjölfarið þegar upp komst að hvorki dvalar- né atvinnuleyfi var til staðar
Fréttir
Fyrir 2 dögum

Umboðsmaður Alþingis skipar lögreglu að afhenda Tómasi sjálfsvígsbréf sonar hans – Neita að afhenda það

Umboðsmaður Alþingis skipar lögreglu að afhenda Tómasi sjálfsvígsbréf sonar hans – Neita að afhenda það
Fréttir
Fyrir 2 dögum

Tæknibilun í vírusvarnarhugbúnaði virðist hafa valdið ringulreið á heimsvísu – „Jæja, þá kemst maður kannski ekki heim“

Tæknibilun í vírusvarnarhugbúnaði virðist hafa valdið ringulreið á heimsvísu – „Jæja, þá kemst maður kannski ekki heim“
Fréttir
Fyrir 3 dögum

Neyðarleg rangfærsla á versta tíma og ráðuneytið svarar ekki spurningum um málið

Neyðarleg rangfærsla á versta tíma og ráðuneytið svarar ekki spurningum um málið
Fréttir
Fyrir 3 dögum

Einn lítillega slasaður eftir sprengingu í Leifsstöð

Einn lítillega slasaður eftir sprengingu í Leifsstöð