Lögreglan á höfuðborgarsvæðinu stöðvaði akstur ökumanns í nótt en áður hafði hann reynt að stinga lögregluna af. Hann var handtekin en hann er grunaður um að hafa verið undir áhrifum fíkniefna og einnig reyndist hann vera réttindalaus.

Annar ökumaður var handtekin í nótt, grunaður um að vera undir áhrifum fíkniefna.

Einn var handtekinn í Miðborginni og vistaður í fangageymslu en hann hafði verið að sparka í rúður og fleira.

Í austurborginni var einn handtekinn eftir að hann hafði ónáðað íbúa í íbúðarhúsi. Hann hafði krafið íbúa um greiðslu fyrir að fá að fara inn í húsið. Sá óvelkomni var vistaður í fangageymslu.