Í huga sumra karlmanna er það hámark karlmennskunnar að pissa standandi. Það getur hins vegar haft slæmar afleiðingar á heilsu þeirra.
Vissulega fylgja því ýmsir kostir að pissa standandi, til að mynda að þú getur pissað nánast hvar sem er.
Margir þvagfæralæknar er hins vegar talsmenn þess að karlmenn pissi sitjandi eða horfist í augu við afleiðingar þess að pissa standandi. Og nei, hér erum við ekki að tala um þær afleiðingar að eiginkonan verði reið því maðurinn pissaði á klósettsetuna. Þetta kann þó að skýra af hverju 42% karlmanna eru þegar farnir að pissa sitjandi, samkvæmt rannsókn frá 2007 að því er DailyStar greinir frá.
Sérstaklega er mikilvægt fyrir karlmenn með blöðruhálsvanda að pissa sitjandi því þannig geta þeir pissað af meiri krafti, samkvæmt rannsókn frá 2014 sem gerð var hjá Leiden háskólasjúkrahúsinu í Hollandi.
Að pissa standandi örvar hins vegar vöðva í neðri hluta kviðar, mjaðmagrind og mænu sem gera þvaglát erfiðari, samkvæmt sömu rannsókn.
Dr. Jesse N. Mills, prófessor við þvagfæradeild UCLA, segir: „Það er betra fyrir karlmenn með vandamál í blöðruhálskirtli að pissa sitjandi, sem og þá sem geta ekki staðið upppréttir lengi. Margir karlmenn setjast til að pissa ef þeir ná ekki að tæma þvagblöðruna. Þegar karlmenn setjast til að pissa tæmist hún betur.“
