Samkvæmt heimildum Innherja mun Sjálfstæðisflokkurinn stýra flestum ráðuneytum í nýrri ríkistjórn. Þá herma heimildirnar að flokkurinn fái samtals 5 ráðuneyti og forseta þingsins.
Sjálfstæðismenn halda fjármálaráðuneytinu, utanríkisráðuneytinu og dómsmálaráðuneytinu, sem reyndar á víst að heita innanríkisráðuneytið í þessari ríkisstjórn. Flokkurinn mun einnig fá nýtt ráðuneyti sem kallað verður nýsköpunar-, umhverfis- og loftlagsmálaráðuneytið Þá mun flokkurinn ásamt því fá svokallað orku-, umhverfis- og loftlagsmálaráðuneyti.
Fram kemur í frétt Innherja að Vinstri græn muni halda forsætisráðuneytinu og fái félagsmálaráðuneytið og matvæla-, sjávarútvegs og landbúnaðarráðuneytið. Framsókn munu fá fjögur ráðuneyti, heilbrigðisráðuneyti, innviðaráðuneyti, nýtt ferða- og menningarmálaráðuneyti og skólamálaráðuneyti.
Heimildir Innherja ríma við heimildir úr öðrum áttum. Mbl.is greindi til að mynda nokkurn veginn frá því sama og Innherji ef ekki er litið í nákvæmar orðanir á því hvað ráðuneytin eiga að heita. Flokkarnir hafa nú allir fundað og samþykkt ríkisstjórnarsáttmálann.