fbpx
Föstudagur 26.nóvember 2021
Fréttir

Hornafjarðarmálið: Pressa var sett á þolanda um að mæta aftur til vinnu – Kynferðisleg áreitni sögð ekki liðin í jafnfréttisáætlun

Ritstjórn DV
Þriðjudaginn 26. október 2021 17:30

Frá Hornafirði. Skjáskot úr myndbandi View Iceland

Ekki missa af Helstu tíðindum dagsins í pósthólfið þitt

Lesa nánar

Margir íbúar á Hornafirði hafa haft samband við DV í kjölfar birtingar greinar um kynferðisbrot konu sem var í áhrifastöðu hjá sveitarfélagi gagnvart annarri konu sem var einnig í stjórnunarstöðu hjá sveitarfélaginu. Mikil reiði virðist meðal þorpsbúa vegna málsins, umfram allt yfir því að gerandinn í málinu hafi hvorki verið sett í leyfi né sagt upp störfum í kjölfar atviksins þrátt fyrir vitneskju bæjarstjóra og bæjarstjórnar um það og að það hefði verið kært til lögreglu.

Sjá einnig: Ólga á Hornafirði eftir kynferðisbrot konu

Íbúar benda, hver á eftir öðrum, á þá staðreynd að gerandinn í málinu er systir bæjarstjórans á Hornafirði. Gerandinn gegndi stöðu framkvæmdastjóra Heilbrigðisstofnunar Hornafjarðar. Vegna skipulagsbreytinga færðist hún úr þessu starfi í mars á þessu ári og gegnir hún núna skrifstofustarfi fyrir Vigdísarholt, sem er ríkisstofnun er annast rekstur hjúkrunarheimilis á staðnum.

Því hefur ranglega verið haldið fram að ráðning konunnar í starfið hafi ekki verið lögmæt og virðist það vera skoðun margra bæjarbúa. Í frétt Mannlífs kemur hins vegar fram að staðan var auglýst, sjö sóttu um upphaflega en tveir hættu við og urðu umsækjendur á endanum fimm. Konan var valin úr þeim hópi en systir hennar, bæjarstjórinn, vék af fundi er ákvörðunin var tekin.

Viðbrögð virðast á skjön við jafnfréttisáætlun og eineltisstefnu

Í jafnréttisáætlun Hornafjarðar sem samþykkt var í bæjarstjórn sumarið 2020 og bæjarstjóri undirritaði segir í kafla um kynbundið ofbeldi:

„Einelti, kynbundið ofbeldi, kynbundin áreitni og kynferðisleg áreitni verður ekki undir neinum kringumstæðum umborið í starfsumhverfi sveitarfélagsins. Sveitarfélagið lítur þátttöku og/eða afskiptaleysi starfsfólks í einelti, kynbundnu ofbeldi og/eða kynbundnu- og kynferðislegri áreitni alvarlegum augum. Allt starfsfólk á rétt á því að komið sé fram við það af virðingu og að það sæti ekki ofbeldi og/eða áreitni. Sveitarfélagið starfar eftir eineltisstefnu þar sem verklagsreglur vegna eineltis, áreitni eða ofbeldis hafa verið skilgreindar.“

Í eineltisstefnu sem samþykkt var í bæjarstjórn árið 2013 segir að markmið hennar sé „tryggja að gripið verði til aðgerða, komi fram kvörtun, ábending eða rökstuddur grunur um einelti, kynferðislega áreitni eða annað ofbeldi á vinnustað.“ Þetta er mjög afdráttarlaust orðalag um viðbrögð við kynferðislegri áreitni á vinnustað, en eins og fram hefur komið átti umrætt brot sér stað í vinnuferð starfskvenna frá Hornafirði í Reykjavík.

Bæjarstjóri hefur ekki svarað fyrirspurn DV um málið og neitaði að tjá sig um það við Mannlíf. DV hefur ekki upplýsingar um hver aðkoma bæjarstjóra var að málinu né hvort fjallað var sérstaklega um það í bæjarstjórn og þá hvernig. Hins vegar liggur fyrir að gerandinn í málinu var hvorki send í leyfi né sagt upp allt frá því atvikið átti sér stað og var kært til lögreglu í apríl árið 2019 og þar til í marsmánuði á þessu ári er starfshagir gerandans breyttust af öðrum ástæðum, eins og áður greinir frá.

Þolandinn í málinu hafði sagt upp störfum áður en atvikið átti sér stað en hún fluttist undir eins frá staðnum í kjölfar atviksins og hætti samstundis störfum, vann ekki uppsagnarfrest. Í texta dómsins í kynferðisbrotamálinu kemur fram að pressa hafi verið sett á hana um að koma aftur til vinnu. Einnig kemur fram að hún var komin í annað starf:

„Brotaþoli hefði ekki snúið til baka á vinnustað sinn eftir þetta og hún í framhaldi flutt úr sveitarfélaginu. Hún hefði verið í veikindaleyfi vegna […] út af því sem á undan vargengið með ákærðu. Hún hefði á sama tíma mætt takmörkuðum skilningi vinnuveitanda og sífellt verið haft samband við hana út af vinnutengdum málefnum, þar á meðal af yfirmanni hennar sem tengdist ákærðu fjölskylduböndum. Mikil pressa hefði verið sett á hana að koma aftur til vinnu. Brotaþoli hefði síðar fundað í Reykjavík með staðgengli fyrrgreinds yfirmanns og samkomulag orðið um að hún ynni uppsagnarfrest út maí í fjarvinnu. Á þeim tíma hefði hún verið komin með annað starf en það hefði verið frágengið áður en meint brot ákærðu átti sér stað“

 

Lokað er fyrir athugasemdir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 22 klukkutímum

Brandenburg auglýsingastofa ársins 2021

Brandenburg auglýsingastofa ársins 2021
Fréttir
Í gær

Tannréttingar kosta allt að tvær milljónir – Fjölskyldur hafa ekki efni á þeim

Tannréttingar kosta allt að tvær milljónir – Fjölskyldur hafa ekki efni á þeim
Fréttir
Fyrir 2 dögum

Skoða möguleikann á kaupum á risasorpbrennsluofni

Skoða möguleikann á kaupum á risasorpbrennsluofni
Fréttir
Fyrir 2 dögum

Útskriftarárgangur Verzlunarskólans klofinn vegna útskriftarferðar – „Þetta er bull“

Útskriftarárgangur Verzlunarskólans klofinn vegna útskriftarferðar – „Þetta er bull“
Fréttir
Fyrir 2 dögum

Brynjar snýr aftur á þing

Brynjar snýr aftur á þing
Fréttir
Fyrir 2 dögum

Hryllingurinn á Hjalteyri: Guðni forseti svaraði Steinari í gær – Svarið vekur blendnar tilfinningar

Hryllingurinn á Hjalteyri: Guðni forseti svaraði Steinari í gær – Svarið vekur blendnar tilfinningar