fbpx
Föstudagur 26.nóvember 2021
Fréttir

Birgitta segir byrlunarfaraldur geisa í miðbæ Reykjavíkur – „Ég var per­sónu­lega sjálf á staðnum eitt skiptið“

Máni Snær Þorláksson
Föstudaginn 22. október 2021 15:05

Birgitta Líf er eigandi skemmtistaðarins Bankastræti Club - Myndin er samsett

Ekki missa af Helstu tíðindum dagsins í pósthólfið þitt

Lesa nánar

Byrlunarfaraldur geisar í miðbæ Reykjavíkur samkvæmt Birgittu Líf Björnsdóttur, eiganda skemmtistaðarins Bankastræti Club. Þetta kemur fram í viðtali mbl.is við Birgittu en þar segir hún að byrlunum í miðbænum hafi fjölgað mikið undanfarnar helgar.

Töluverð umræða um byrlanir hefur verið í gangi á samfélagsmiðlum eins og Twitter að undanförnu, einmitt í ljósi þess að þær virðast vera algengari en áður. Umræðan er ekki bara í gangi hér á landi heldur einnig erlendis en þar hafa verið að koma fram nýjar aðferðir til byrlana, til að mynda með stungum.

Birgitta segist vita um nokkur tilvik, bæði á Bankastræti Club og á öðrum stöðum í miðbænum, þar sem byrlun hefur átt sér stað. Hún segir að svo virðist vera sem það sé að færast í aukana að fólki sé byrlað á skemmtistöðum í Reykjavík. „Það er eins og það sé ein­hver far­ald­ur í gangi,“ segir hún samtali við blaðamann mbl.is.

Bankastræti Club tekur byrlunum mjög alvarlega samkvæmt Birgittu sem tekur fram að starfsmenn skemmtistaðarins séu vakandi fyrir einkennum byrlana.

„Síðan er spurn­ing hvort það sé verið að setja ofan í drykki eða hvort það sé eitt­hvað nýtt í gangi, þannig að við fylgj­umst mjög mikið með og höf­um ít­rekað við starfs­fólkið okk­ar ein­kenni byrl­ana og að vera vak­andi fyr­ir gest­um.“

Birgitta hefur meira að segja sjálf verið vitni að því þegar stelpu var byrlað á staðnum. „Ég var per­sónu­lega sjálf á staðnum eitt skiptið þegar það var haldið á stelpu út og ég beið úti með henni ásamt starfs­manni á meðan við biðum eft­ir sjúkra­bíl,“ segir hún.

Þá segir Birgitta að þar sem byrlanir hafa komið upp á fleiri en einum stað sé það greinilegt að þær einskorðast ekki við einhvern einn aðila. Hún og starfsmenn staðarins séu að skoða hvort þörf sé á frekari aðgerðum en dæmi er um að á skemmtistöðum erlendis sé verið að kalla eftir því að leitað sé á fólki áður en það fer inn á staði.

„Það er spurn­ing hvort að það sé næsta skref – að það sé bara leitað á öll­um.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 21 klukkutímum

Brandenburg auglýsingastofa ársins 2021

Brandenburg auglýsingastofa ársins 2021
Fréttir
Í gær

Tannréttingar kosta allt að tvær milljónir – Fjölskyldur hafa ekki efni á þeim

Tannréttingar kosta allt að tvær milljónir – Fjölskyldur hafa ekki efni á þeim
Fréttir
Fyrir 2 dögum

Skoða möguleikann á kaupum á risasorpbrennsluofni

Skoða möguleikann á kaupum á risasorpbrennsluofni
Fréttir
Fyrir 2 dögum

Útskriftarárgangur Verzlunarskólans klofinn vegna útskriftarferðar – „Þetta er bull“

Útskriftarárgangur Verzlunarskólans klofinn vegna útskriftarferðar – „Þetta er bull“
Fréttir
Fyrir 2 dögum

Brynjar snýr aftur á þing

Brynjar snýr aftur á þing
Fréttir
Fyrir 2 dögum

Hryllingurinn á Hjalteyri: Guðni forseti svaraði Steinari í gær – Svarið vekur blendnar tilfinningar

Hryllingurinn á Hjalteyri: Guðni forseti svaraði Steinari í gær – Svarið vekur blendnar tilfinningar