Lögreglan á Suðurnesjum handtók um síðastliðna helgi erlendan karlmann í Flugstöð Leifs Eiríkssonar eftir að grunur vaknaði hjá tollvörðum að viðkomandi hefði fíkniefni meðferðis.
Í tilkynningu frá lögreglunni segir að við frekari skoðun á farangri mannsins fundust fíkniefni falin í ferðatösku, 1 kg af „meintu kókaíni,“ eins og það er orðað í tilkynningunni. Lögreglan handtók viðkomandi sem var svo úrskurðaður í gæsluvarðhald í kjölfarið. Rannsókn málsins er á frumstigi.