Lögreglan vísaði úr flugvél Easyjet í gærkvöldi tveim einstaklingum í flugi frá Keflavík til London. Samkvæmt heimildum DV voru þau afar dónaleg og kröfðust þess ítrekað að fá að fara á klósettið áður en flugvélin færi í loftið. Samkvæmt heimildum DV voru þau ölvuð. Tilkynntu starfsmenn flugfélagsins þeim að um leið og vélin væri komin í loftið gætu þau farið á klósettið, en það dugði þeim ekki og voru afar dónaleg við starfsfólk Easyjet.
Mikil fagnaðarlæti brutust út þegar þeim var vísað úr flugvélinni, þar sem flugið tafðist um rúmar 45 mínútur vegna atviksins. Hér að neðan má sjá myndband af atburðinum sem einn farþeganna í flugvélinni tók tók upp.
