Ásmundur Einar Daðason, formaður þingflokks Framsóknarflokksins, sagði að ríkisstjórnarflokkarnir skoði möguleikann á kosningum í haust. BB.IS greinir frá þessu en Ásmundur lét þessi orð falla á fundi framsóknarmanna á Ísafirði fyrr í dag.

Í frétt BB er einnig bent á að Sigurður Ingi Jóhannsson forsætisráðherra og Bjarni Benediktsson fjármálaráðherra hafi sagt að kosið verði í haust þó þeim félögum finnist ekki tímabært að gefa út nákvæma dagsetningu.

Þá er einnig haft eftir Ásmundi að það farið eftir hvernig gangi að koma verkefnum stjórnarinnar í gegnum þingið hvenær kosningar verða. Þá mun Ásmundur einnig hafa tekið fram að ríkisstjórnin hafi umboð til að sitja fram í apríl 2017.