Samfélagsmiðlastjarnan David Dobrik er nýjasti gestur Sean Evens í þættinum Hot Ones á YouTube-rásinni First We Feast.
Þættirnir eru mjög vinsælir en í þeim ræðir þáttastjórnandinn Sean Evens og gestur hans saman og borða sterka vængi.
David Dobrik er ein stærsta samfélagsmiðlastjarnan í dag. Hann er með yfir 16 milljón fylgjendur á YouTube og í fyrra fékk rásin hans samtals 2,2 milljarða áhorfa. Hann er með yfir 11 milljón fylgjendur á Instagram og er metinn á um 950 milljónir króna.
Það er óhætt að segja að það reyndist David mjög erfitt að borða sterku vængina í þættinum. Því sterkari sem vængirnir urðu því erfiðara var að svara spurningum. Þetta endaði með því að hann ældi í ruslatunnu áður en hann yfirgaf tökustaðinn.
„Ég er svo hamingjusamur fyrir þína hönd og hversu vel þér gengur, en ég ætla aldrei að fokking koma nálægt þér aftur,“ sagði David við Sean.
Horfðu á myndbandið hér að neðan.
