Það hefur mikið gengið á í nýjustu þáttaröð The Bachelor, eða Piparsveinsins, þar sem Peter Weber leitar að hinni einu réttu. Konurnar sem keppa um hylli hans virðast nefnilega ekki allar þar sem þær eru séðar, en það hefur margoft gerst að keppendur í The Bachelor og The Bachelorette ljúgi um fortíð sína til að ná árangri í þáttunum. Hér eru nokkur svæsin dæmi.
Piparsveinninn Ben Flajnik sendi Casey Shteamer heim í sextándu þáttaröð The Bachelor þegar hann komst að því að hún væri ástfangin af örðum manni. Fyrrverandi kærasti hennar, Michael, hafði haft samband við framleiðendur þáttanna og sagði sig og Casey enn vera í sambandi. Casey viðurkenndi fyrir Ben að hún hafði ekki verið hreinskilin við hann. „Ég var ástfangin upp fyrir haus af honum og hann sagði mér strax að hann vildi aldrei ganga í hjónaband,“ sagði Casey í þáttunum. „Ég hætti með honum fyrir ári en byrjaði aftur með honum því ég elska hann enn. Það væri auðvitað fullkomið ef ég væri frekar ástfangin af Ben.“
Jillian Harris var skotin í Wes Hayden í fimmtu þáttaröð af The Bachelorette en rak hann heim þegar í ljós kom að hann tók bara þátt til að koma sér á framfæri sem tónlistarmaður. Wes ljóstraði síðar upp að hann hefði átt kærustu á meðan hann tók þátt í þáttunum. „Fyrsti gaurinn í The Bachelorette sem komst í topp fjóra og átti kærustu,“ sagði Wes í þáttunum. „Ferli mínum er lokið. Ég hefði gengið það langt að byrja með Jillian. Ég gerði allt sem ég þurfti, en þetta er hindrun sem ég verð að komast yfir. Ég ætla að fara heim. Hundurinn minn bíður eftir mér, sem og hljómsveitin. Við erum að kynna nýtt lag núna.“
Umdeildasti keppandinn í sjöttu þáttaröð af The Bachelorette var án efa Justin „Rated R“ Rego. Kærasta hans í Kanada hafði samband við piparjónkuna Ali Fedotowsky meðan á tökum stóð og Ali rak hann að sjálfsögðu heim.
Einn af síðustu fjórum keppendunum í tólftu þáttaröð af The Bachelorette, Robby Hayes, var sakaður um að hætta með kærustu sinni til að taka þátt í þættinum og verða frægur. Hann sagðist hins vegar vera yfir sig ástfanginn af piparjónkunni JoJo Fletcher. JoJo fann til með Robby og endaði hann í öðru sæti.
Hannah Brown tók þátt í seríu 23 af The Bachelor og var síðan valin í hlutverk piparjónkunnar í fimmtándu þáttaröð af The Bachelorette. Hún valdi Jed Wyatt sem sinn maka en það fór ekki betur en svo að hann sveik hana illilega. Nokkrum dögum eftir að Hannah bað Jed um að kvænast henni sleit hún trúlofuninni því hún komst að því að Jed átti kærustu. Þá var hann einnig sakaður um að draga Hönnuh á asnaeyrunum til að „meika það“ í tónlistarbransanum.
Sydney Hightower er ein af þeim sem keppa um hylli fyrrnefnds Peters í nýjustu seríu The Bachelor. Hún gerði sig auma í einum þættinum og sagðist hafa verið lögð í einelti sem unglingur. Á samfélagsmiðlum var það hins vegar opinberað að hún var vinsæl í grunnskóla, rómuð fyrir fegurð sína. Sydney svaraði fyrir sig á samfélagsmiðlum og sagðist vissulega hafa unnið fegurðarsamkeppni í grunnskóla en að það þýddi ekki að hún hefði verið vinsæl meðal jafningja sinna. „Að vinna fegurðarsamkeppni núllar ekki út kynþáttafordóma og einangrun sem ég hef þurft að þola. Ég var líka klappstýra og í mörgum klúbbum. Maður gerir hvað sem er til að passa í hópinn og ég reyndi.“
Svo er það Victoria Fuller, einnig keppandi í nýjustu þáttaröð The Bachelor. Fyrrverandi kærasta Peters, Merissa Pence, mætti í þáttinn til að vara hann við Victoriu. Sakaði hún Victoriu um að vera hjónadjöful. Victoria var send heim og birti dularfull skilaboð á Instagram í kjölfarið þar sem hún sagðist ætla að taka til varna seinna, einelti væri ekki í lagi.
