Turtildúfurnar Skúli Mogensen og Gríma Björg Thorarensen hafa gengið saman í gegnum þykkt og þunnt og eru sterkari saman fyrir vikið. Því fannst DV tilvalið að kíkja á hvernig þau eiga saman, ef litið er í stjörnumerkin.

Gríma er krabbi en Skúli er meyja. Þegar þessi tvö merki koma saman getur orðið til ástarsamband sem verður betra og traustara með hverju árinu. Bæði krabbi og meyja setja sér skýr markmið og eru mjög öguð. Þau eru einlæg og trú hvort öðru og því ekki um að ræða léttvægt gaman þegar að meyja og krabbi hnjóta um hvort annað. Merkin eru í raun hvorugt gerð fyrir einnar nætur gaman.

Krabbi og meyja bera mikla virðingu fyrir hvort öðru. Meyjan kann að meta styrk og ákveðni krabbans og krabbinn kann að meta gáfur meyjunnar sem og góða aðlögunarhæfni hennar.

Eins og áður segir eru ástarsambönd á milli meyju og krabba ekkert stundargaman, en þau byrja hins vegar hægt. Með tímanum myndast djúp tenging sem er sterkari en stál, enda ná meyjan og krabbinn að tengjast hvort öðru á afar einstöku plani. Gildi eru í hávegum höfð á þessu heimili og hvorki meyjan né krabbinn vilja hlaða sig dýrum og fínum munum án þess að hafa efni á því. Það eina sem gæti komið upp á milli þessara tveggja merkja er að ef meyjan verður of gagnrýnin getur hún sært tilfinningar krabbans. Að sama skapi getur þrjóska krabbans stundum gert meyjuna brjálaða. Það eru hins vegar litlar líkur á því ef sambandið er orðið eldra en tvívetra.

Gríma
Fædd: 11. júlí 1991
Krabbi

-þrjósk
-hugmyndarík
-trygglynd
-geðþekk
-svartsýn
-óörugg

Skúli
Fæddur: 18. september 1968
Meyja

-trúr
-góður
-vinnuþjarkur
-hagsýnn
-feiminn
-gagnrýninn