Liverpool eru sagt fylgjast með miðjumanninum Carlos Baleba hjá Brighton fyrir sumarið.
Baleba, sem er 22 ára landsliðsmaður Kamerún, sló í gegn á síðasta tímabili og vakti þá athygli Manchester United, en frammistaða hans hefur ekki verið eins góð á þessu á þessu tímabili.
Það hefur þó ekki dregið úr áhuga stórliða og Liverpool er nú talið meðal þeirra sem fylgjast með gangi mála hjá kappanum.
Þó svo að frammistöður Baleba hafi verið undir væntingum á leiktíðinni er verðmiðinn á honum enn ansi hár, eða um 80 milljónir punda.
