Atletico Madrid hefur sett 100 milljóna evra verðmiða á framherjann Julian Alvarez, samkvæmt spænska miðlinum Mundo Deportivo.
Arsenal, Barcelona og PSG hafa öll verið orðuð við Argentínumanninn, sem kom til Atletico frá Manchester City sumarið 2024. Hefur hann verið frábær í spænsku höfuðborginni.
Alvarez er samningsbundinn Atletico til 2030 og félagið er því í sterkri stöðu og getur leyft sér að verðleggja hann hátt.
Ljóst er að Arsenal og PSG eru sennilega betur í stakk búin til að ganga að 100 milljóna evra verðmiða en Börsungar, í ljósi fjárhagsstöðu þeirra.
