Eins og Bleikt sagði frá í morgun hafa Lady Gaga og Christian Carino slitið trúlofun sinni. Nú bendir vefmiðillinn Us Magazine á að Lafðin hafi hugsanlega spáð fyrir sambandsslitunum óafvitandi.
„Það er dimmur dagur þegar ég skemmti á Ofurskálinni og er svo spennt yfir því en get ekki annað en fattað að þegar ég seldi tíu milljónir platna missti ég Matt [Williams]. Ég seldi þrjátíu milljónir og missti Luc [Carl]. Ég fékk hlutverk í kvikmyndinni [A Star is Born] og ég missti Taylor [Kinney],“ segir Lady Gaga í heimildarmyndinni Gaga: Five Foot Two sem má finna á Netflix.
Poppstjarnan var í sambandi með Matt árin 2008 til 2010, deitaði Luc seint á árinu 2010 og byrjaði síðan með Taylor árið 2011. Hún trúlofaðist hinum síðastnefnda árið 2015, en þau slitu henni rúmlega ári síðar.
Nú hefur flosnað upp úr sambandi Lafðinnar við fyrrnefndan Christian, rétt fyrir Óskarsverðlaunin þar sem hún gæti nælt sér í styttu fyrir bestan leik í A Star is Born, en hún hefur nú þegar hlotið fjölda tilnefninga og lof fyrir frammistöðu sína. Þá hefur tónlistin í laginu fengið ýmiss verðlaun, þar á meðal á BAFTA og Golden Globe, en Lafðin er skráð fyrir tónlistinni ásamt öðrum.
Það virðist því vera að þegar allt gangi í haginn hjá Lady Gaga í vinnunni líði ástarmálin fyrir það.
