fbpx
Mánudagur 25.mars 2019

DV - Frjáls og óháður miðill

Fókus

Vignir Ljósálfur: „Þegar maður er svona mikið veikur þá verður manni alveg sama um tilveruna“

Kristinn H. Guðnason
Föstudaginn 15. júní 2018 18:00

Ekki missa af Helstu tíðindum dagsins í pósthólfið þitt

Lesa nánar

Í maí síðastliðnum voru Kolbrún Baldursdóttir, nýkjörinn borgarfulltrúi, og Vignir Ljósálfur Jónsson kennari í viðtali hjá DV. Þau voru gift og saman í níu ár en skildu árið 1983 vegna þess að þau áttuðu sig á því að Vignir væri samkynhneigður.

Vignir segir sögu sína í Helgarblaði DV eftir að hann og Kolbrún skildu, hvernig hann barðist við HIV og missti kærasta úr sjúkdómnum og hvaðan þetta óvanalega nafn Ljósálfur kemur.

Hér birtum við brot úr viðtalinu:

Búinn undir að kveðja jarðlífið

Eftir greininguna fór Vignir strax á lyf en þau voru ófullnægjandi. Í október árið 1993 lést Tóti síðan af sínum sjúkdómi en hann og Vignir höfðu þá verið saman í sjö ár. Það var ekki til nein áfallahjálp fyrir fólk til að takast á við slíkan missi og Vignir vissi þá að hann gæti farið sömu leið.

Hann sótti samkomur sem kallaðar voru Snæfellsásmótin, sem Guðlaugur og Guðrún Bergmann í Karnabæ stýrðu. Þeirri reynslu hefur hann lýst áður í viðtali við Rauða borðann, blað HIV-samtakanna. Á þessum andlegu samkomum gat fólk talað um sín vandamál og á einum fyrirlestri, þar sem kona lýsti makamissi, brotnaði Vignir niður og grét svo mikið að hann kom ekki upp orði. Hann var algerlega bugaður af harmi og var lagður á dýnu af öðrum fundargestum. Lýsti hann því sem nokkurs konar uppgjöri við þennan mikla missi.

Lyfin gáfu líf

Eftir það fór Vignir sjálfur að veikjast alvarlega og lá lengi á spítala.

Hann hefur verið með psoriasis-húðsjúkdóminn síðan hann var átján ára gamall og HIV-veiran braut niður ónæmið fyrir honum.

„Í eitt sinn var ég þrjá mánuði á spítalanum og var næstum búinn að yfirgefa þetta jarðlíf. Ég fékk slæma psoriasis-sýkingu, fékk slæm hitaköst og öll húðin þakin,  var eins og hraun. Þegar maður er svona mikið veikur þá verður manni alveg sama um tilveruna. Ég fann ekki fyrir neinni hræðslu og var alveg tilbúinn að kveðja.“

Í kringum árið 1997 komu hinir nýju HIV-lyfjakokteilar til sögunnar sem Vignir lýsir sem kraftaverki. Allt í einu gátu HIV-smitaðir gert ráð fyrir að lifa í lengri tíma, en fram að því höfðu allar slíkar hugsanir þurft að víkja. Sumir voru búnir að búa sig undir dauðann en aðrir settu öll framtíðarplön einfaldlega á bið.

Lyfin gáfu líf en Vignir hefur þó verið óheppinn að því leyti að venjuleg HIV lyf virka illa á hann og þarf hann því á meiri lyfjagjöf að halda en flestir HIV-smitaðir því hans veira er fljótari að mynda ónæmi gagnvart lyfjum en flestra annarra. Auk þess hefur hann þurft að kljást við erfiðar aukaverkanir lyfjanna svo sem bólgur, magaverki, ofsjónir og ranghugmyndir. Um tíma þurfti hann að hafa stóra gashylkjabyssu á sér. Hann hefur verið á lyfjum sem talin hafa verið svo erfið að spítalinn krafðist þess að hann skrifaði undir pappíra um að spítalinn bæri ekki ábyrgð á aukaverkununum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Hatrið sigrar hin Norðurlöndin: „Þeir eru tilbúnir undir átök og þyrma engum“

Hatrið sigrar hin Norðurlöndin: „Þeir eru tilbúnir undir átök og þyrma engum“
Fókus
Í gær

Heiða Ólafs söngkona: „Ég fékk þessa klikkuðu hugmynd“

Heiða Ólafs söngkona: „Ég fékk þessa klikkuðu hugmynd“
Fókus
Í gær

Reynir ætlaði að lesa upp sjúkustu skilaboðin sem hann hefur fengið: Var stoppaður af – „Þetta er alltof gróft“

Reynir ætlaði að lesa upp sjúkustu skilaboðin sem hann hefur fengið: Var stoppaður af – „Þetta er alltof gróft“
Fókus
Fyrir 2 dögum

Nýtt á DV – Föstudagsþátturinn Fókus: Dóttir Reynis kölluð Snapparabarnið – „Fólk hraunar og hleypur svo í burtu“

Nýtt á DV – Föstudagsþátturinn Fókus: Dóttir Reynis kölluð Snapparabarnið – „Fólk hraunar og hleypur svo í burtu“
Fókus
Fyrir 2 dögum

Manstu eftir þessum íslensku auglýsingum? Nostalgían svífur yfir vötnum

Manstu eftir þessum íslensku auglýsingum? Nostalgían svífur yfir vötnum
Fókus
Fyrir 3 dögum

Vala Grand kynntist kærastanum á Tinder: „Ég held að það hefði verið öðruvísi ef ég hefði enn þá verið með blibbalibb“

Vala Grand kynntist kærastanum á Tinder: „Ég held að það hefði verið öðruvísi ef ég hefði enn þá verið með blibbalibb“
Fókus
Fyrir 3 dögum

Helga Braga tók íbúðina í gegn: Sjáið ótrúlegar fyrir og eftir myndir

Helga Braga tók íbúðina í gegn: Sjáið ótrúlegar fyrir og eftir myndir