Það var gríðarleg stemning og troðfullt hús í Valshöllinni síðastliðið laugardagskvöld þegar Sálin hans Jóns míns hélt upp á 30 ára afmæli sitt, en þann 10. mars 1988 kom Sálin hans Jóns míns fram í fyrsta skipti, í Bíókjallaranum, undir Tunglinu við Lækjargötu, þar sem áður var Nýja bíó og í dag Hard Rock Cafe
Öllu var tjaldað til og nutu Sálarmenn, þeir Stefán Hilmarsson, Friðrik Sturluson, Guðmundur Jónsson, Jóhann Hjörleifsson og Jens Hansson, fulltingis bæði blásara og gestasöngvara. Svona ættu öll stórafmæli að vera.
Ljósmyndarinn Mummi Lú sá um að festa stórafmælið á filmu.
Fjörugir blásarar Kjartan Hákonarson og Samúel Jón Samúelsson.
Syngjandi sveifla Ágústa Eva Erlendsdóttir steig á svið með Stefáni.
Og þá var kátt í höllinni Það var gríðarleg stemning í Valshöllinni.
Rappað af list Emmsjé Gauti fór á kostum að vanda.
Sálarfæða Einn áhangenda sveitarinnar gerði sér lítið fyrir og bakaði þessa köku í tilefni dagsins.
Fleiri myndir má finna á Facebooksíðu hljómsveitarinnar.
