Hafþór Júlíus Björnsson virðist leika nokkuð stórt hlutverk í nýjasta myndbandi söngkonunnar Katy Perry við lagið Swish Swish ef marka má stiklu sem var birt á Youtube í fyrradag. Hann mun leika ógnandi andstæðing söngkonunnar í körfuboltaleik.

Hafþór er einna helst þekktur fyrir leik sinn í Game of Thrones en nafn persónu hans í þeim þáttum, Fjallið, hefur fests við hann. Hann er kynntur í myndbandi Katy Perry sem Thor „The Mountain“ Björnsson.

Þá hafa skipst á skin og skúrir hjá Hafþóri undanfarið. Barnsmóðir Hafþórs, Thelma Björk Stemann, hefur sakað Hafþór um ofbeldi sem og fyrrverandi kærasta hans. Á síðustu vikum hefur Hafþór hins vegar komist í fréttir fyrir að sigra á Arnold Classic. Þá sagði DV frá því að Hafþór þénað vel á síðasta ári eða 2,5 milljón á mánuði.