Eiríkur Jónsson greinir frá því á síðu sinni að Jónas Kristjánsson hafi farið í Costco. Jónas gat greinilega ekki orða bundist eftir heimsóknina.

„Þetta var alveg frábært. Næsti bær við himnaríki. Þarna voru alls konar ber og ekkert skemmt. Tómatar sem bragð var af og og epli sem lyktuðu. Það var eins og maður væri kominn aftur til 1950 þegar epli voru aðeins flutt til landsins fyrir jól og lyktuðu svo vel. Ég át eitt strax og ég kom heim og það var eplabragð af því. Íslendingar hafa allt of lengi þurft að borða bragðlaus epli,”

sagði Jónas sem er annálaður matgæðingur.