Samfélagsrýnirinn beinskeitti og blaðamaðurinn Illugi Jökulsson fór á miðvikudag í sína áttundu hjartaþræðingu á tíu árum. Greindi hann frá aðgerðinni á Facebook-síðu sinni og gaf glettinn í skyn að þarna væri nánast um árlega ferð hans á Landspítalann að ræða þar sem hjartalæknir smeygi „snuðrandi vélum inn í hjartað á mér. Sem betur fer er það stórt – hahaha!“ skrifaði Illugi.

Mynd: Facebook

Blessunarlega gekk allt sem skyldi og kvaðst Illugi þakklátur fyrir allar þær hlýju kveðjur sem honum bárust. Birti hann síðar mynd með orðunum:

„Þetta virkar kannski eins og frekar illyrmisleg kónguló, en þetta eru kransæðarnar í sjálfum mér, margþræddar fram og til baka!“