Ógeðfelld ummæli við myndbönd Reykjavíkurdætra meðal við of mikilli gleði og bjartsýni í lífinu, segir Steiney
Íslenska rapphljómsveitin Reykjavíkurdætur hefur heldur betur gert það gott á undanförnum misserum. Þó ferill þeirra hafi langt í frá verið óumdeildur þá hafa þær komið sem ferskur andvari inn í íslenska poppmenningu og hrist upp í samfélaginu.
Velgengni og fjölmiðlaathygli sveitarinnar á þó sínar myrku hliðar. Meðlimir sveitarinnar hafa nefnilega oft mátt sitja undir ógeðfelldum ummælum nafnleysingja í netheimum, sem viðra meðal annars kvenfyrirlitningu sína við YouTube-myndbönd sveitarinnar. Ein Reykjavíkurdætra, Steiney Skúladóttir, gerir þetta að umtalsefni á Twitter:
„Ef ég er of glöð og bjartsýn í lífinu les ég commentin á Reykjavíkurdætra YouTube-inu og minni mig á hvað ég er mikil hóra og súrefnisþjófur.“
Ef ég er of glöð og bjartsýn í lífinu les ég commentin á Reykjavíkurdætra YouTube-inu og minni mig á hvað ég er mikil hóra og súrefnisþjófur
— Steiney Skúladóttir (@steiney_skula) February 22, 2017
