Bubbi Morthens greinir frá því á Facebook að hann hafi loksins látið verða að því að skella sér í Costco. Bubbi hefur verið og er mikill Bónus-maður. Voru Bubbi og Jóhannes stofnandi Bónus mestu mátar og átti Bubbi farsælt samband við verslunarrisann sem hefur hingað til hefur ráðið öllu á matvörumarkaði.
Í byrjun júní sagði Bubbi að hann væri ekki enn búinn að kíkja í verslun Costco og hefði því enga skoðun á verslunarrisanum sem nam hér land í vor. En nú er Bubbi búinn að kíkja í Costco og hefur skoðun. Niðurstaðan er að margt ódýrt er þar að finna, annað ekki. Þá segir hann mikið af óhollustu að finna í versluninni.
„ … var glaður sjá lífrænt ræktaða ávexti, gerði ágætis kaup,“ sagði Bubbi og bætti við: „Hins vegar tel ég Bónus vera besta kostinn vilji maður versla ódýrasta inn matvöru. Þarna er hægt að gera góð kaup fyrir gæludýrin og auðvitað margt annað. Fann kaffibaunir af dýrustu og bestu gerð, lítill poki kostaði yfir þrjúsund kall, splæsti á mig einum.“
Vinur Bubba kommentar og segir grænmetið í Bónus vera dýrafóður. Gunnar Lárus Hjálmarsson, Dr. Gunni segir að grandskoða þurfi grænmetið í Bónus og Hagkaup til að komast hjá að kaupa skemmda ávexti. „Maður þarf með öðrum orðum ekki að taka með sér stækkunargler þegar maður fer í Costco!“
Bubbi segir:
„Ég hef ekki orðið var við það hins vegar sá ég frétt um skordýr í grænmeti hjá Costco og fólk fagnaði því en ég keypt margt í gær og skoraði verð á matvöru og staðhæfi í æði mörgu er Bónus ódýrari en það sem hreyf mig var kona kaffið sem er hrikalega gott og hrikalega dýrt, ávextir og margt annað en staðreyndin er hins vegar sú að Bónus eru ódýrast.“