Fatahönnuðurinn, fjögurra barna móðirin og fyrrum Kryddpían Victoria Beckham póstaði nýlega myndum á Instagram þar sem sjá má dóttur hennar, Harper, sem er sex ára, leika sér með Spice Girls dúkkur. „Þegar þú uppgötvar að mamma þín var poppstjarna,“ skrifar Victoria á myndina.

„Harper elskar Spice Girls dúkkurnar. Kryddaðu líf þitt.“

Spice Girls dúkkurnar komu á markað á árunum 1997 til 1999 í átta mismunandi útgáfum. Stúlknasveitin Spice Girls var stofnuð 1994 og í henni voru auk Victoriu, Melanie Brown, Melanie Chisholm, Emma Bunton og Geri Halliwell. Sveitin er söluhæsta stúlknasveit til þessa, ein af söluhæstu sveitum allra tíma og sú stærsta í sögu Bretlands, að Bítlunum frátöldum.

Fjölskyldan Eiginmaðurinn David Beckham og börnin fjögur: Brooklyn Joseph, 18 ára, Romeo James, 14 ára, Cruz David 12 ára og Harper Seven, 6 ára.