Líkt og síðustu ár gefur DV út veglegt tekjublað með upplýsingum um tekjur ríflega 2400 Íslendinga sem eru byggðar á greiddu útsvari viðkomandi samkvæmt álagningarskrám Ríkisskattstjóra.

Sigrún Ragna Ólafsdóttir,stjórnarmaður í stjórn United Silicon
3.270.829 kr. á mánuði

Sigrún Ragna Ólafsdóttir lét af störfum sem forstjóri VÍS í ágústlok 2016 og við starfinu tók Jakob Sigurðsson. Tíðar fréttir hafa verið af átökum innan stjórnar VÍS undanfarin misseri og var brotthvarf Sigrúnar Rögnu eflaust liður í þeim. Eftir að Sigrún Ragna lét af störfum var ljóst að engin kona væri lengur forstjóri í skráðu félagi í Kauphöllinni. Sendi Félag kvenna í atvinnulífinu meðal annars frá sér fréttatilkynningu í kjölfar tíðindanna og lýstu yfir vonbrigðum sínum með þau.

Í febrúar á þessu ári var tilkynnt að Sigrún Ragna væri sest í stjórn United Silicon í Helguvík. Óhætt er að fullyrða að kísilverksmiðjan sé eitt umdeildasta fyrirtæki landsins og því ljóst að krefjandi verkefni er framundan hjá Sigrúnu Rögnu.

Mánaðarlaun hennar árið 2016 voru tæpar 3,3 milljónir króna.