Óskarsverðlaunin voru afhent í Dolby Theatre í Hollywood á sunnudagskvöld, en þetta var í 89. skipti sem þessi mikla hátíð er haldin. Mikið var um dýrðir á hátíðinni sem þó gekk ekki áfallalaust fyrir sig. Besta myndin var Moonlight en mistök urðu til þess að nafn La La Land var lesið upp. Aðstandendur La La Land ættu þó að geta vel við unað enda hlaut myndin sex Óskarsverðlaun, þar á meðal fyrir bestu leikstjórnina, bestu leikkonuna í aðalhlutverki og bestu tónlistina. Moonlight vann til þrennra verðlauna á hátíðinni og Manchester by the Sea til tvennra, þar á meðal fékk Casey Affleck verðlaun fyrir besta leik í aðalhlutverki.

Tók lagið Justin Timberlake tók lagið á hátíðinni við mikinn fögnuð viðstaddra. Justin fékk tilnefningu fyrir besta frumsamda lagið, Can't Stop the Feeling í teiknimyndinni Trolls, en verðlaunin fékk lagið City of Stars í myndinni La La Land.

Mynd: EPA

Ósvikin gleði Þessi börn fengu að vaka aðeins lengur en jafnaldrar þeirra. Þessi mynd var tekin af kórnemendum Bakats Ter-skólans í Ungverjalandi og fóru þau með veigamikið hlutverk í myndinni Sing sem var tilnefnd sem besta stuttmyndin. Myndinni er leikstýrt af Ungverjanum Kristof Deak og hlaut hún verðlaunin í sínum flokki.

Mynd: EPA

Ruglingur Vandræðaleg uppákoma varð þegar tilkynnt var um bestu myndina. Mistök urðu til þess að nafn La La Land var lesið upp en verðlaunin áttu að koma í hlut Moonlight. Hér sést kynnirinn Jimmy Kimmel útskýra mistökin.

Mynd: EPA

Mikil viðurkenning Hér sjást aðstandendur Moonlight sem valin var besta myndin. Frá vinstri: Jeremy Kleiner, Adele Romanski og leikstjórinn Barry Jenkins.

Mynd: EPA

Ungur en góður Damien Chazelle var valinn besti leikstjórinn en hann leikstýrði sem kunnugt er La La Land. Þess má geta að Chazelle er aðeins 32 ára og er hann yngsti leikstjórinn sem hlýtur þessi eftirsóttu verðlaun. Hann leikstýrði einnig Óskarsverðlaunamyndinni Whiplash árið 2014.

Mynd: EPA

Stórleikur Emma Stone þykir sýna stórleik í myndinni La La Land enda hlaut hún Óskarsverðlaun fyrir leik sinn. Þetta eru fyrstu Óskarsverðlaun hennar en hún var tilnefnd fyrir leik í aukahlutverki árið 2015 fyrir myndina Birdman.

Mynd: EPA