Ítalskur hjúkrunarfræðingur hefur verið ákærður fyrir morð á þrettán sjúklingum. Hjúkrunarfræðingurinn, kona, er sakaður um að hafa gefið banvæna skammta af blóðþynningslyfi á meðan sjúklingarnir voru á gjörgæslu.

Konan sem um ræðir heitir Fausta Bonino, en hún er sögð hafa valdið dauða skjólstæðinga sinna sem voru á aldrinum 61 til 88 ára. Sjúklingarnir dóu á árunum 2014 og 2015, en allir dvöldu þeir á spítalanum í Piombino. Þeir glímdu allir við alvarleg veikindi áður en þeir létust.

Bonino er sökuð um að hafa gefið sjúklingum of stóra lyfjaskammta, ásamt því að hafa gefið lyf án þess að hafa haft til þess leyfi frá öðrum læknum. Hún var ákærð á miðvikudag, en áður hafði umfangsmikil rannsókn farið fram á dauða sjúklinganna. Í ljós kom að Bonino hafði annast þessa sjúklinga á meðan á dvöl þeirra stóð á sjúkrahúsinu.

„Á hryllingsskalanum höfum við náð nýrri hæð af mannlegum hörmungum,“ sagði heilbrigðisráðherrann Beatrice Lorenzin við fjölmiðla eftir að greint var frá málinu.

Mál Bonino svipar til máls Danielu Pggiali, sem áður starfaði sem hjúkrunarkona. Hún var dæmd í lífstíðarfangelsi í mars síðastliðnum fyrir að hafa myrt 38 sjúklinga.