Ekki er langt í jólabókaflóðið og fregnir af verkum sem senn koma úr prentsmiðjum eru farnar að berast. Verðlaunaskáldið Gerður Kristný er meðal þeirra höfunda sem senda frá sér bók fyrir þessi jól. Hestvík er skáldsaga eftir Gerði, sú þriðja í röðinni, og fyrsta skáldsaga hennar fyrir fullorðna í allmörg ár. Gerður er fjölhæfur höfundur og á fjölmarga aðdáendur á öllum aldri sem bíða spenntir eftir hverri nýrri bók frá henni. Hún hlaut Íslensku bókmenntaverðlaunin árið 2010 fyrir ljóðabálkinn Blóðhófni.
