VÆB bræðurnir voru í efsta sæti almennings og alþjóðlegrar dómnefndar

VÆB bræðurnir báru sigur úr býtum með lagið Róa á úrslitakvöldi Söngvakeppninnar 2025 sem fram fór í beinni útsendingu á RÚV síðasta laugardagskvöld. Lagið, sem er eftir þá Matthías Davíð Matthíasson, Hálfdán Helga Matthíasson, Inga Þór Garðarsson og Gunnar Björn Gunnarsson, hafnaði í efsta sæti bæði hjá alþjóðlegri dómnefnd og í símakosningu almennings. Lagið fékk einnig flest símaatkvæði í undanúrslitunum. Kemur þetta fram í tilkynningu frá RÚV.

Söngvakeppnin fór fram á þremur kvöldum. Fyrri tvö laugardagskvöldin kepptu fimm lög hvort kvöld og þrjú komust áfram í gegnum símakosningu almennings. Sex lög kepptu svo til úrslita 22. febrúar en þá hafði alþjóðleg dómnefnd sjö landa helmingsvægi á móti símakosningu almennings. Hér má sjá úrslit keppninnar.

Fyrri undanúrslit 8. febrúar - Símakosning almennings

1. RÓA - VÆB: 12649 atkvæði (30,40%)
2. Eins og þú - Ágúst: 10069 atkvæði (24,20%)
3. Frelsið mitt - Stebbi JAK: 8853 (21,28%)
4. Ég flýg í storminn - Birgo: 5089 atkvæði (12,23%)
5. Norðurljós - BIA: 9945 atkvæði (11,89%)

Lögin RÓA, Eins og þú og Frelsið mitt komust þá áfram í úrslit.

Seinni undanúrslit 15. febrúar - Símakosning almennings

1. Þrá - Tinna: 9846 atkvæði (23,30%)
2. Eldur - Júlí og Dísa: 9469 atkvæði (22,41%)
3. Aðeins lengur - Bjarni Arason: 9323 atkvæði (22,06%)
4. Flugdrekar - Dagur Sig: 7400 atkvæði (17,51%)
5. Rísum upp - Bára Katrín: 6218 atkvæði (14,72%)

Lögin Þrá, Eldur og Aðeins lengur komust þá áfram í úrslit.

Á úrslitakvöldinu hafði alþjóðleg dómnefnd, skipuð fulltrúum sjö landa, helmingsvægi á við atkvæði almennings. Hvert land gaf lögunum 5, 6, 7, 8, 10 og 12 stig.

Úrslit Söngvakeppninnar 22. febrúar - Atkvæði dómnefndar

1. RÓA - VÆB: 74 stig
2. Fire - Júlí og Dísa: 63 stig
3. Set Me Free – Stebbi JAK – 57 stig
4. Words – Tinna: 53 stig
5. Like You – Ágúst: 45 stig
6. Aðeins lengur – Bjarni Arason: 44 stig

Símatkvæði almennings á úrslitakvöldinu voru samtals 131.956 og voru þau atkvæði reiknuð í stigafjölda út frá heildarstigafjölda dómnefndar. Almenningur gat kosið með því að hringja eða senda sms í númer viðkomandi lags og í gegnum appið RÚV Stjörnur.

Úrslit Söngvakeppninnar 22. febrúar - Símakosning almennings

1. RÓA - VÆB: 36535 atkvæði (27,7%) - 93 stig
2. Set Me Free - Stebbi JAK: 32202 atkvæði (25,2%) - 85 stig
3. Fire - Júlí og Dísa: 29010 atkvæði (22,0%) - 74 stig
4. Aðeins lengur - Bjarni Arason: 15266 atkvæði (11,6%) - 39 stig
5. Like You - Ágúst: 9104 atkvæði (6,9%) - 23 stig
6. Words - Tinna: 8839 atkvæði (6,7%) - 22 stig

Þegar atkvæði dómnefndar og almennings voru lögð saman lágu úrslitin fyrir.

Lokaúrslit Söngvakeppninnar 22. febrúar - Dómnefnd og símakosning

1. RÓA - VÆB: 167 stig
2. Set Me Free - Stebbi JAK: 142 stig
3. Fire - Júlí og Dísa: 137 stig
4. Aðeins lengur - Bjarni Arason: 83 stig
5. Words - Tinna: 75 stig
6. Like You - Ágúst: 68 stig

Lagið RÓA, í flutningi VÆB, verður því framlag Íslands í Eurovision sem haldin verður í Basel í Sviss í maí.