fbpx
Miðvikudagur 24.júlí 2024
Fókus

Ragnhildur er með vinalega áminningu til þín eftir helgina

Ragna Gestsdóttir
Þriðjudaginn 18. júní 2024 15:30

Ragga Nagli Mynd: Hanna

Ekki missa af Helstu tíðindum dagsins í pósthólfið þitt

Lesa nánar

Ragnhildur Þórðardóttir, betur þekkt sem Ragga Nagli, segir enga ástæðu til að rífa sig niður eftir að hafa notið langrar helgi.

„HÆ HÓ OG JIBBÍ JEI !!
Sautjándi júní í gær og lýðveldið áttrætt.
Ef þú dýfðir þér í sushirúllur, dúndraðir í þig snakki, saltstöngum, slátraðir brauðsneiðum í þjóðhátíðarbröns og húrraðir í þig kökusneiðum og kexi í desa.
Þá eru góðar líkur að ef þú hlammaðist á vigtina í morgun var nálin nokkuð norðar en síðast. Mögulega urlast svekkelsi um æðarnar. Sjálfsmyndin löskuð. Brotin sál. Spegilmyndin fær löngutöng. Lítur ekki í spegil það sem eftir lifir dags. Neikvæðar hugsanir þjóta um gráa efnið. Af hverju borðaði ég svona mikið? Ég er feitabolla. Ætla að fasta í dag,“
segir Ragga í færslu á Facebook-síðu sinni.

Bendir hún á að eftir át gærdagsins sért þú með ansi góða birgðastöðu af kolvetnum á lagernum í dag. Þar af leiðandi er líkaminn að halda í fleiri lítra af vökva.

„Því fyrir hvert gramm af kolvetnum þarf að binda 2,7-3 grömm af vatni,“ segir Ragga og bætir við að daglegar sveiflur í þyngd eru eðlilegar og þær eru ekki vísbending um árangur eða mistök.
„Breytingar á saltmagni í líkamanum, vatnsbúskapur, hormónar, tíðahringur, staðan á glýkógenbirgðum hafa öll áhrif á líkamsþyngd.
Meira glýkógen og meira vatn í skrokknum meiri líkamsþyngd.
Og óhjákvæmilega hærri tala á vigtinni.
Þetta er EKKI LÍKAMSFITA!!“

Ragga segir þig þar af leiðandi ekki þurfa að örvænta það sem eftir er vikunnar:

„Þú þarft ekki að sleikja þig á horrimina það sem eftir er vikunnar með djúsföstu, kálblaði, sjúgandi ísmola, fastandi til hádegis og bryðja megrunarkaramellurnar sem mamma þín geymdi frá 1970.
Þú þarft ekki að anda í bréfpoka í kvíðakasti.
Þú hefur ekki klúðrað neinu. Ekkert er ónýtt.
Þú ert ekki lúser og landeyða.
Þú þarft bara að henda þér aftur í þitt fyrra mataræði með hollum máltíðum… og já líka kolvetnum.
Engar dramatískar skaðastjórnunaraðgerðir.
Það býr til óheilbrigt samband við mat og æfingar og spíral af óheilsusamlegum aðferðum.
Þú pissar þessu út yfir næstu daga.
Og glasið er hálffullt því nú ertu með stútfullan bensíntank fyrir átökin við járnið.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 2 dögum

Þjófstartaði afmælinu með Bridgerton-þema – Eiginmaðurinn hvergi sjáanlegur

Þjófstartaði afmælinu með Bridgerton-þema – Eiginmaðurinn hvergi sjáanlegur
Fókus
Fyrir 2 dögum

„Var komin á þann stað að mér leið eins og ég væri að panta mér vanlíðan á Amazon“

„Var komin á þann stað að mér leið eins og ég væri að panta mér vanlíðan á Amazon“
Fókus
Fyrir 2 dögum

Sex hversdagslegar kynlífsupplifanir sem karlmenn þrá en þora ekki að biðja um

Sex hversdagslegar kynlífsupplifanir sem karlmenn þrá en þora ekki að biðja um
Fókus
Fyrir 2 dögum

Ferill Katy Perry riðar til falls eftir heimskulegar ákvarðanir

Ferill Katy Perry riðar til falls eftir heimskulegar ákvarðanir
Fókus
Fyrir 5 dögum

Stórleikarinn hefur ekki notað algenga snyrtivöru í tugi ára

Stórleikarinn hefur ekki notað algenga snyrtivöru í tugi ára
Fókus
Fyrir 5 dögum

Mía sér um afþreyingu fyrir börnin

Mía sér um afþreyingu fyrir börnin