Klámmyndaleikkona að nafni Andressa Urach endaði á spítala eftir að hafa tekið upp atriði þar sem hún sængaði hjá mörgum karlmönnum. Hún er þó ekki af baki dottin.

Hin brasilíska Andressa var að taka upp atriði á þriðjudag í heimalandinu þegar hún þurfti að fara á spítala eins og greint er frá í frétt Daily Mail. 19 ára sonur hennar, Arthur Urach, tók upp atriðið, þar sem móðir hans hafði mök við marga karlmenn.

„Ég endaði upp á spítala. Ég fékk mikla verki í mjaðmirnar,“ sagði Andressa í færslu á Instagram. En þar er hún með 4,4 milljón fylgjendur.

Greindi hún frá því að hún myndi fara í sneiðmyndatöku og taka verkjalyf. „Vitiði hvað? Þetta var mjög sóðalegt. En þetta var mjög gott,“ segir hún og á þá við atriðið.

Seinna birti hún ljósmynd af sér í hjólastól þar sem verið var að útskrifa hana af spítalanum. Gantaðist hún með að hún væri reiðubúin að byrja aftur á tökum.

„Hahahah, ég var bara að plata. Ég mun ekki geta gert það í dag….bókstaflega,“ sagði hún.

Engu að síður var hún mætt aftur fyrir framan myndavélarnar degi seinna, það er á miðvikudag. Á fimmtudag skrifaði hún: „Mamma er tilbúin í meira“ og að hvíld væri aðeins fyrir þá veiklunduðu.

Féll þetta ekki í góðan jarðveg hjá öllum fylgjendum hennar. Einn skrifaði:

„Viðhorf þín og ákvarðanir valda foreldrum þínum hjartasári sem og allri brasilísku þjóðinni.“