Söngkonan Jóhanna Guðrún Jónsdóttir er nýjasti viðmælandi Arons Mímis og Bjarka í þætti þeirra Götustrákar.
Aðspurð um hvað er það klikkaðasta sem hún lenti í eftir Eurovision.
„Það fyrsta sem poppar upp í hausinn á mér er að ég fékk bréf frá hermanni sem var þarna í höllinni í Moskvu. Gæslan var rugluð, gaurar úr hernum með byssur. Þegar maður labbaði inn á svið stóðu þeir hlið við hlið þannig að það var múr af hermönnum. Og einn af þessum gaurum skrifaði mér einhver bréf eftir að ég kom heim og ég hafði aldrei talað við hann,“ segir Jóhanna.
„Eitt bréfið endaði: „Jóhanna I´m Not Just Your Fan, I´m Your Soulmate.“ Og ég man þetta var pínu skeirí, er þessi gaur að fara að koma hingað eða hvað er að fara að gerast hérna?“
„Hugsaðir þú aldrei: „þetta gæti verið rétt hjá honum?,“ spyr Bjarki.
„Nei,“ segir Jóhanna og hlær. „Kannski prófa þetta bara?, nei ég fór ekki þangað.“
Sjá einnig: Jóhanna Guðrún vill afnema þennan lið úr Söngvakeppninni – Segir þetta brengla niðurstöðuna
Félagarnir Bjarki Viðarson og Aron Mímir Gylfason standa bak við hlaðvarpsþáttinn Götustrákar sem hýstur er á hlaðvarpsveitunni Brotkast. Bjarki og Aron, sem betur eru þekktir undir Twitter-nöfnum sínum, Jeppakall 69 doperman Rakki og Ronni Turbo Gonni, lifðu og hrærðust í undirheimum höfuðborgarinnar um árabil en hafa snúið blaðinu við og feta nú beinu brautina. Ætlun þeirra með hlaðvarpinu er að gefa hlustendum innsýn inn í þennan miskunnarlausa heim og ekki síður ráð um hvernig foreldrar geta passað upp á börnin sín varðandi stafrænar hættur.
Horfa má á þáttinn í heild sinni á brotkast.is.
