Umfjöllun um hátíðina hefur tröllriðið miðlum vestanhafs og vöktu sum augnablik meiri athygli en önnur. Eins og samtal stórstjarnanna Taylor Swift og Selenu Gomez.
Myndband af þeim ræða saman, ásamt leikkonunni Keleigh Sperry, hefur farið eins og eldur í sinu um netheima.
Í því er Gomez að segja frá einhverju – að því sem virðist – mjög áhugaverðu.
.@taylorswift13 chats with @selenagomez during a break at the 2024 #GoldenGlobes pic.twitter.com/DN8gx95EUn
— The Hollywood Reporter (@THR) January 8, 2024
Á einum tímapunkti heyrist Sperry segja: „Timothée?!“ Og er þá líklegast að tala um leikarann Timothée Chalamet sem var á staðnum ásamt kærustu sinni, raunveruleikastjörnunni Kylie Jenner.
Sjá einnig: Staðfestu orðróminn með fyrsta opinbera stefnumótinu
Netverjar hafa verið í yfirvinnu við að leysa úr ráðgátunni um hvað þær hafi eiginlega verið að tala um og í hvaða samhengi nafn Chalamet hafi borið á góma.
Flestir voru sammála um að Gomez virtist segja Swift og Sperry að Chalamet hafi neitað að taka mynd af sér með henni.
Varalesarinn Jeremy Freeman segist sammála þeirri kenningu. Í samtali við Page Six segir Freeman að Gomez hafi sagt við dömurnar: „Hann vildi ekki mynd með mér. Hann sagði nei.“
Sperry sagði þá: „Timothée?!“ Og Gomez kinkaði kolli.
Heimildarmaður náinn Gomez segir þetta ekki satt og heldur því fram að leikkonan hafi ekki talað við Chalamet á verðlaunahátíðinni.
„Hún fór aldrei til hans og bað um mynd,“ segir heimildarmaður Page Six.
Þó svo að Chalamet og Gomez séu ekki góðir vinir þá þekkjast þau eftir að hafa leikið saman í rómantísku gamanmyndinni „A Rainy Day in New York.“
Taylor Swift lét systur Jenner, Kim Kardashian, heyra það í viðtali við Time nýlega. Ekki er vitað hvort að samskipti hennar og Kylie Jenner séu stirð vegna þessa.
Sjá einnig: Taylor Swift segir Kim Kardashian til syndanna – „Ég flutti til annars lands og fór ekki út úr húsi í ár“
