Sjónvarpsmanninum þjóðkunna Agli Helgasyni er nokkuð niðri fyrir í nýlegri færslu á Facebook-síðu sinni.

Egill er ekki ánægður með stöðu og fyrirsjáanlega framtíð þeirrar starfsgreinar sem hann hefur helgað megnið af starfsævi sinni, fréttamennskunnar. Hann nefnir sérstaklega fréttamennsku í Bandaríkjunum til sögunnar og ritar raunar færsluna á ensku en hún fylgir hér á eftir í þýðingu fréttamanns DV:

„Í Bandaríkjunum er mín starfsgrein orðin fyrirlitleg. Hún er full af lygurum, mönnum sem eiga ekki heima þar og einstaklingum sem haga sér eins og Joseph McCarthy. Þetta er mikil breyting frá því þegar ég kynntist bandarískri fréttamennsku fyrst á níunda áratug síðustu aldar. Það var fólk sem bjó yfir miklum heilindum og forvitni um heimsmálin. 

Ég var ungur og í skólanum þar sem ég lærði fréttamennsku töluðum við mikið um staðla í greininni. Í dag myndi ég ekki ráðleggja neinni ungri manneskju að leggja fyrir sig fréttamennsku. Ég óttast að greinin sé orðin svo brengluð að henni sé ekki viðbjargandi, vegna óstöðvandi áróðurs, hálf-sannleika, beinlínis lyga og viðvarandi óhljóða internetsins.

Við erum að glata getu okkar til að greina á milli sannleika og falsana. Samsæriskenningum er troðið stanslaust upp á okkur og svo margir fréttamenn virðast hafa selt sál sína. Þetta er komið út fyrir það að vera sorglegt.“