Nú hafa þau tíu lög sem taka þátt í Söngvakeppninni í ár verið kynnt og má segja að landsmönnum sé boðið upp á fjölbreytta veislu af frambærilegum lögum frá efnilegum og reyndum höfundum og flytjendum.
„Tíu lög voru valin til þátttöku í Söngvakeppninni 2022. Fimm lög etja kappi í fyrri undanúrslitum laugardaginn 26. febrúar og fimm lög viku síðar í seinni undanúrslitum 5. mars. Þau tvö lög sem hljóta flest atkvæði í símakosningu hvort kvöld tryggja sér sæti í úrslitum. Því keppa fjögur lög til úrslita 12. mars og verður sigurlagið framlag Íslands til Eurovision,“ segir í tilkynningu frá Söngvakeppninni.
Að vanda getur framkvæmdastjórn keppninnar bætt einu lagi við í úrslit með því að draga fram svokallað „wildcard“ eða „Eitt lag enn“.
Kynnar keppninnar eru Björg Magnúsdóttir, Jón Jónsson og Ragnhildur Steinunn Jónsdóttir.
„Keppnin hefur vaxið og dafnað síðustu ár og í ár verður ekki slegið slöku við. Skemmtiatriði verða á öllum viðburðum og von er á erlendu Eurovision-atriði á úrslitakvöldinu sem tilkynnt verður um á næstu dögum. Í ár fara allar keppnirnar fram í Söngvakeppnishöllinni, Kvikmyndaverinu Gufunesi og gefst fólki sem fyrr kostur á að vera á staðnum. Miðasalan verður auglýst fljótlega en undanfarin ár hefur skapast mikil fjölskyldustemmning á viðburðunum. Undanúrslitin og úrslitin verða að sjálfsögðu í beinni útsendingu á RÚV. Margir þekktir flytjendur taka þátt í ár auk upprennandi söngstjarna sem stíga á svið í fyrsta sinn,“ segir í tilkynningu.
Þetta eru lögin, höfundarnir og flytjendurnir sem taka þátt í Söngvakeppninni 2022.
Don’t you know (íslenska útgáfan)
Flytjendur: Amarosis
Lag og texti: Már & Ísold
Ljósið
Flytjandi: Stefán Óli
Lag: Andri Þór Jónsson og Birgir Steinn Stefánsson
Texti: Stefán Hilmarsson
Gía
Flytjandi: Haffi Haff
Lag: Steinar Jónsson og Sigurður Ásgeir Árnason
Texti: Hafsteinn Þór Guðjónsson og Sigurður Ásgeir Árnason
Hjartað mitt
Flytjandi: Stefanía Svavarsdóttir
Lag: Halldór Gunnar Pálsson
Texti: Magnús Þór Sigmundsson
Með hækkandi sól
Flytjendur: Sigga, Beta og Elín
Lag og texti: Lovísa Elísabet Sigrúnardóttir
Mögulegt
Flytjandi: Markéta Irglová
Lag: Markéta Irglóvá
Texti: Markéta Irglóvá og Sturla Þórisson
Hækkum í botn
Flytjendur: SUNCITY & SANNA
Lag: Sveinn Rúnar Sigurðsson og Valgeir Magnússon
Texti: Valgeir Magnússon og Davíð Guðbrandsson
Tökum af stað
Flytjendur: Reykjavíkurdætur (Daughters of Reykjavík)
Lag og texti: Reykjavíkurdætur (Daugters of Reykjavík)
Þaðan af
Flytjandi: Katla
Lag: Jóhannes Damian Patreksson, Kristinn Óli S. Haraldsson, Hafsteinn Þráinsson og Snorri Beck
Texti: Kristinn Óli S. Haraldsson
Séns með þér
Flytjendur: Hanna Mia and The Astrotourists
Lag. Hanna Mia Brekkan & Sakaris Emil Joensen
Texti: Nína Richter
Að vanda verða lögin í undanúrslitum flutt á íslensku en í úrslitum á því tungumáli sem til stendur að flytja það í Eurovision, sigri lagið. Öll lög keppninnar í ár koma einnig út í enskri útgáfu nema Með hækkandi sól, en hægt er að hlusta á öll lögin, lesa textana og sjá upplýsingar um flytjendur og höfunda á á www.songvakeppnin.is. Lögin eru einnig komin inn á tónlistarveituna Spotify.
