Helena O’Connor sem hlaut titilinn Miss Supranational 2023 í Ungfrú Ísland var ein af heiðursgestum á góðgerðarviðburði sem haldinn var í New York á dögunum. Það verður að teljast ákveðið afrek því ásamt Helenu voru þar leikarahjónin Kate Bosworth og Justin Long, Elizabeth Gillies, Kimora Lee Simmons, Howie Mendel og fleiri stórstjörnur – ásamt því að söngkonan Jordin Sparks söng fyrir gesti yfir glæsilegu borðhaldi.
Viðburðurinn var haldinn í tilefni 25 ára afmælis Smile Train, sem eru samtök sem hjálpa börnum um allan heim sem fæðast holgóma og hafa ekki fjármuni eða önnur úrræði til að komast undir læknishendur. Á þessum 25 árum hafa samtökin gert 1,9 milljón barna í yfir 90 löndum kleift að gangast undir aðgerð – en tölfræðin segir að á hverjum 3 mínútum fæðist holgóma barn í heiminum.
Helena var ekki eina fegurðardrottningin á viðburðinum en þar voru bæði Miss USA, Noelia Voigt og Miss Teen USA, UmaSofia Srivastava, sen afsöluðu sér titlunum í síðustu viku, í kjölfar ásakana um einelti og andlegt ofbeldi eiganda bandarísku keppninnar.
Eigandi Ungfrú Ísland, Manuela Ósk Harðardóttir, fylgdi Helenu og var henni til halds og trausts.
Helena var sannarlega glæsilegur fulltrúi Íslands or vakti mikla athygli, en næst á dagskrá hjá henni er svo að keppa fyrir Íslands hönd í Miss Supranational.
Prófaðu að endurhlaða síðuna ef þú sérð ekki færsluna hér að neðan.
View this post on Instagram
View this post on Instagram
