fbpx
Laugardagur 15.júní 2024
Fréttir

Stefán Einar saumaði að Höllu Tómasdóttur – „Varst þú blind á hætturnar og þennan hrylling sem var að hlaðast upp?“

Ritstjórn DV
Föstudaginn 17. maí 2024 19:07

Skjáskot Spursmál

Ekki missa af Helstu tíðindum dagsins í pósthólfið þitt

Lesa nánar

Forsetaframbjóðandinn Halla Tómasdóttir var til viðtals í þættinum Spursmál á mbl.is í dag. Stjórnandi þáttarins, Stefán Einar Stefánsson, er þekktur fyrir að spyrja forsetaframbjóðendur nærgöngulla og krefjandi spurninga. Halla slapp ekki frá því í dag en svaraði öllu á yfirvegaðan hátt. Stefán vék talinu að tíma Höllu sem framkvæmdastjóra Viðskiptaráðs á árunum 2006 til 2007. Hann sagði:

„Þú hafðir óbilandi trú á samfélaginu eins og það var að spilast á þessum tíma, með ógnarvexti bankakerfisins og þessu gífurlega umfangi og burðum sem íslenskt viðskiptalíf virtist hafa. Varst þú blind á hætturnar og þennan hrylling sem var að hlaðast upp yfir hausamótunum á okkur, og raungerðist haustið 2008.“

Halla svaraði: „Þetta voru náttúrlega mjög sérstakir tímar á Íslandi og ég held að við öll sem lifðum í gegnum þá vitum það og vonandi höfum við lært heilmikið af þeim öll. Ég var ekki blindari en svo að segja upp störfum þegar ég var búin að vinna innan við ár sem framkvæmdastjóri hjá Viðskiptaráði og stofna Auði Kapital til að leggja áherslu á ábyrgari, heilarlegri og viðskiptahætti. Þar fer það nú þannig að okkar fjármálafyrirtæki er það eina sem fer í gegnum hrunið án þess að verða fyrir tjóni eða valda tjóni.“

Halla talaði gegn skuldsettum vexti fjármálafyrirtækja í þættum og telur það vera mikilvægan lærdóm frá hruninu. Hún hefði meðal annars sem kennari við Háskólann í Reykjavík talað gegn því að vaxa á skuldsettan máta.

Stefán Einar gagnrýndi einnig Höllu fyrir samstarf hennar við auðkýfinginn Richard Branson, í gegnum hreyfinguna B Team, vegna meintra skattsvika hans en Branson geymir mikla fjármuni á aflandseyjum og segist vera skattalegur útlagi. Halla sagðist ekki bera ábyrgð á einkalífi eða fjármálum þeirra sem væru meðlimum í B Team en leggja áherslu á að fylgja þeim gildum sem félagið boðaði, sem m.a. snúast um samfélagslega ábyrgð og umhverfisvernd.

Stefán benti Höllu á að hún predikaði góð gildi í félagsskap manns sem væri með allar sínar eignir í skattaskjólum og borgaði sama og enga skatta. Halla sagði að hún myndi aldrei verja slíka hegðun.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Að bera litinn
Fréttir
Fyrir 21 klukkutímum

Líneik vill stöðva „gervinetsölu“ á áfengi

Líneik vill stöðva „gervinetsölu“ á áfengi
Fréttir
Í gær

Rússneskur bankastjóri varar við – Blikur á lofti

Rússneskur bankastjóri varar við – Blikur á lofti
Fréttir
Í gær

Fór til Íslands fyrir þremur árum og gerði stór mistök: Nú hefur ókunnugur maður komið henni til bjargar

Fór til Íslands fyrir þremur árum og gerði stór mistök: Nú hefur ókunnugur maður komið henni til bjargar
Fréttir
Fyrir 2 dögum

Segja íbúa bíða spennta eftir aukinni gjaldskyldu á bílastæðum

Segja íbúa bíða spennta eftir aukinni gjaldskyldu á bílastæðum
Fréttir
Fyrir 2 dögum

Dæmdur fyrir hótanir á Instagram – „Þu ert fkn dauður ef þu lætur ekki kærustu mína í friði. B… er í sambandi þótt hun segir annað við þig“

Dæmdur fyrir hótanir á Instagram – „Þu ert fkn dauður ef þu lætur ekki kærustu mína í friði. B… er í sambandi þótt hun segir annað við þig“