fbpx
Fimmtudagur 23.maí 2024
Fókus

„Þetta er mögulega ósmekklegasta og ógeðslegasta hugmynd þessa forsetaframboðs“

Fókus
Miðvikudaginn 15. maí 2024 11:11

Vala er allt annað en sátt við nýjan skemmtiþátt í umsjón Odds Ævars Gunnarssonar

Ekki missa af Helstu tíðindum dagsins í pósthólfið þitt

Lesa nánar

Valgerður Árnadóttir, varaþingmaður Pírata, vegan og annálaður dýravinur, er allt annað sátt við nýjan skemmtiþátt Vísis í tilefni af forsetakosningum. Þátturinn, sem ber heitið Af vængjum fram, heggur í sama knérunn og hinu heimsfrægu YouTube-þættir Hot Ones, en þar koma gestir í viðtal og borða sífellt sterkari kjúklingavængi sem kallar fram margskonar viðbrögð. Ásdís Rán var gestur fyrsta þáttar sem er í umsjón gleðigjafans Odds Ævars Gunnarssonar.

„Þetta er mögulega ósmekklegasta og ógeðslegasta hugmynd þessa forsetaframboðs, að fá forsetaframbjóðendur til að borða kjúklingavængi í boði „Just wingin it” og spjalla,“ segir Valgerður, eða Vala, í færslu á Facebook-síðu sinni og telur frambjóðendurna skorta samkennd.

Finnst skorta samkennd

„Það er sorglegt að þeir skuli taka þátt í slíku og að enginn forsetaframbjóðandi hafi snefil af samkennd með dýrum í verksmiðjubúskap, étandi SS pylsur og kjúklingavængi til að auglýsa sig eins og það sé hluti af „menningu íslendinga” og til að gera þau meira „relatable”,“ skrifar Vala.

Segist hún ennfremur sakna þess að frambjóðendur ræði dýravelferð í kosningarbaráttunni „eða mikilvægi þess að vernda íslensk vistkerfi og friða dýr sem eru á leið í útrýmingarhættu eins og melrakka, lunda, sel og hvali.“

„Það er hræsni sem felst í því að kalla sig dýravin því þú átt gæludýr en gefa svo skít í önnur dýr og velferð þeirra. Ég hélt að við værum komin lengra sem þjóð, að hin mikla umræða um hvalveiðar, blóðmerar og aðstæður dýra í verksmiðjubúskap hefði síast inn í meðvitund fólks og að það tæki afstöðu með dýrum sem mega lifa miklar þjáningar að óþörfu. Með þessu áframhaldi mun ég skila auðu, ég mun amk. ekki kjósa neinn sem tekur þátt í þessu útspili einkafyrirtækis til að auglýsa sig,“ skrifar Vala ennfremur.

Hér má lesa færslu varaþingmannsins:

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 2 dögum

Brynjar berst við vambarpúkann – „Það verður einhver annar að taka ábyrgðina“

Brynjar berst við vambarpúkann – „Það verður einhver annar að taka ábyrgðina“
Fókus
Fyrir 2 dögum

Afhjúpar með hverjum hún missti meydóminn þegar hún var tvítug

Afhjúpar með hverjum hún missti meydóminn þegar hún var tvítug
Fókus
Fyrir 3 dögum

Svali var stoppaður af lögreglu fyrir að fara út með ruslið með syni sínum – „Þetta var gjörsamlega súrrealískt“

Svali var stoppaður af lögreglu fyrir að fara út með ruslið með syni sínum – „Þetta var gjörsamlega súrrealískt“
Fókus
Fyrir 3 dögum

Freyr hefur þurft að læra að lifa með sorginni – „Hann, Eldar, var flottur og fallegur strákur“

Freyr hefur þurft að læra að lifa með sorginni – „Hann, Eldar, var flottur og fallegur strákur“