Pistill kynjafræðikennaranna Hönnu Bjargar Vilhjálmsdóttur og Maríu Hjálmtýsdóttur verið talsvert á milli tannanna á fólki . Pistillinn er titlaður: „Klám, kyrkingar og kynlíf“ og birtist á Vísi í gær.
Í pistlinum gagnrýna þær kynfræðslu „aðkeypts kynfræðara“ og „áhrifavalds“, án þess að nefna nokkurn á nafn, og segja það afleitt að börnum sé „kennt að kyrkja hvert annað“.
Skrif þeirra hafa verið harðlega gagnrýnd á samfélagsmiðlum og meðal annars sögð ýta undir skömm kvenna í kynlífi. Þekktir aðilar, sem hafa verið áberandi í umræðunni um kynferðisofbeldi og kynfræðslu, hafa einnig gagnrýnt pistillinn, eins og Sólborg Guðbrandsdóttir, fyrirlesari og rithöfundur, og aktívistinn og hlaðvarpsstjórnandinn Edda Falak. Fyrrverandi borgarfulltrúinn Sóley Tómasdóttir kemur Hönnu Björg og Maríu til varnar og segir að „þegar gömlu femmarnir skrifa harðorðar greinar eru þær ekkert að grínast. Þær eru að vera óþægilegar – eins og við vitum að skiptir máli.“
„Hvernig líst þér á að fá einhvern til að kyrkja barnið þitt? Væri kannski betri hugmynd að fá skólakerfið til að kenna krökkunum okkar að kyrkja hvert annað, svo að þau geri það örugglega rétt? Er ekki stór-sniðugt að benda strákunum á ýmsar leiðir til að útfæra það sem þeir sjá í kláminu, til dæmis að loka öndunarvegi stelpnanna með limnum á sér, ef þeir bara passa að fylgjast með því að hætta örugglega í tæka tíð til að forðast súrefnisskort til heilans? Er ekki nóg að segja krökkunum að tala saman um mörk og að fá samþykki?“ Segja Hanna Björg og María.
„Okkur ber til dæmis skylda til að segja eitthvað þegar aðkeypti kynfræðarinn valsar um allt land og kennir unglingunum okkar að kyrkja hvert annað í nafni kynfrelsis. Okkur ber skylda til að hafa á því skoðun þegar áhrifavaldur fræðir börnin okkar sem eru mörg hver að feta sín fyrstu skref sem kynverur, um hvernig þau geta á sem áhrifaríkastan hátt apað allt eftir sem þau sjá í kláminu sem bókstaflega tröllríður tilveru þeirra, oft með ömurlegum afleiðingum, bara ef þau ,,tala saman og fá samþykki“.“
Hanna Björg og María segja að kyrkingar, jafnvel þegar þær eru dulbúnar sem kynferðislegur leikur undir nöfnum eins og „breath play“, séu lífshættulegar.
Þær segja að þeir sem viljandi meiðir aðra manneskju, niðurlægir eða leggur í hættu ætti að upplifa skömm, og sá sem fær „fróun út úr því að beita eða horfa á aðra beitta ofbeldi á líka að skammast sín.“
„Og sá sem hefur lífsviðurværi af því að segja börnunum okkar að það sé nú bara allt í lagi að kyrkja hvert annað, sé það gert ,,rétt“ má líka skammast sín.“
Skrif Hönnu Bjargar og Maríu hafa verið harðlega gagnrýnd á Twitter, meðal annars af rithöfundinum og fyrirlesaranum Sólborgu Guðbrandsdóttur. Hún stjórnaði Instagram-síðunni Fávitar um árabil, sem barðist gegn stafrænu og annars konar kynferðisofbeldi. Í lok árs 2020 var hún í forystu fyrir nýskipaðan hóp um eflingu kynfræðslu í grunn- og framhaldsskólum.
Stelpur sem fíla að láta kyrkja sig mega það. Þær geta verið femínískar og fílað flengingar. Hver erum við, að segja fólki hvað því má finnast gott og hvað ekki?
Fyrst unglingar eru að prófa þessa hluti með samþykki allra aðila þá skulum við hjálpa þeim að vanda sig við það. pic.twitter.com/ahLS9NVoDC
— Sólborg Guðbrands (@solborgg) January 26, 2022
Og eitt í viðbót!!! Stelpur eru nú þegar shameaðar fyrir að hafa áhuga á kynlífi. Ætlum við að shamea þær líka ef þær fíla kynlíf sem Siggu út í bæ myndi sjálfri ekki detta í hug að stunda? Ákvedd þú fyrir þig – leyfðu öðrum að vera og fíla alls konar.
— Sólborg Guðbrands (@solborgg) January 27, 2022
Sólborg segir að hún var einu sinni afbókuð á fyrirlestur því hún svaraði spurningu um endaþarmsmök ári áður.
„Unglingarnir vildu vita hvernig þau gætu gert það varlega. Foreldrafélaginu fannst ekki við hæfi að ég benti þeim á að pressa ekki, gera hlutina rólega, nota verjur og sleipiefni. Að ég hafi vogað mér,“ segir hún.
Við komum ekki í veg fyrir að unglingar prófi sig áfram með alls konar kynlíf – en við getum hjálpað þeim að gera það á öruggan hátt með alhliða fræðslu. Að segja þeim hvað þau mega fíla og hvað ekki er fáfræði og býr til óþarfa skömm.
— Sólborg Guðbrands (@solborgg) January 27, 2022
Edda Falak, aktívisti og hlaðvarpsstjórnandi gagnrýnir einnig skrif kynjafræðakennaranna.
Hm, það eru sumir sem fíla að láta kyrkja sig í kynlífi ef það er gert rétt. Ég sé ekkert athugavert við það að ræða við unglinga um mörk þegar kemur að kyrkingum. Afhverju þessi forræðishyggja alltaf hreint?https://t.co/f4C2nwvIsw
— Edda Falak (@eddafalak) January 26, 2022
Fjölmargir hafa tekið undir með Eddu.
ah já, höldun áfram að kenna ungu fólki að skammast sín fyrir að vera með einhverjar langanir eða kink frekar en að tala um mikilvægi þess að setja mörk og eiga í góðum samskiptum við bólfélaga, það hefur gengið mjög vel hingað til!
— Vally ⚧ #FreePalestine (@kynsegin) January 26, 2022
Ef unga fólkið fær bara einhverja ritstýrða fölbláa fræðslu er athyglin farin eftir 90 sek. Það þarf að tala um þessi mál umbúðalaust, af þekkingu og á tungumáli sem þau skilja. Og á þann hátt að þau nenna að hlusta. @eldmodurinn (ig)
— Ragga Agustsdottir (@raggaagusts) January 26, 2022
Sóley Tómasdóttir, fyrrverandi borgarfulltrúi VG, segir að það sé ekki „af tepruskap sem femínistar gagnrýna klám. Af því að þeir vilji bara að fólk stundi kynlíf í trúboðsstellingu eftir giftingu. Það er af því að klámið er stór hluti félagsmótunar í samfélagi sem tekst ekki að uppræta ofbeldi gegn konum og jaðarsettu fólki,“ segir Sóley.
Þráður um klám: Ég bara trúi því ekki að eftir allt sem á undan er gengið ætli femínistar að fara að deila um áhrif á nauðgunarmenningu samfélagins.
— Sóley Tómasdóttir (@soleytomasar) January 27, 2022
Það er ekki af tepruskap sem femínistar gagnrýna klám. Af því að þeir vilji bara að fólk stundi kynlíf í trúboðsstellingu eftir giftingu. Það er af því að klámið er stór hluti félagsmótunar í samfélagi sem tekst ekki að uppræta ofbeldi gegn konum og jaðarsettu fólki.
— Sóley Tómasdóttir (@soleytomasar) January 27, 2022
Feðraveldinu finnst ekkert óþægilegra en gagnrýni á klám. Það veit ég af eigin reynslu, enda hef ég aldrei fengið fleiri og ofstækisfyllri hótanir en þegar ég talaði gegn klámráðstefnu sem halda átti í Reykjavík 2006.
— Sóley Tómasdóttir (@soleytomasar) January 27, 2022
