„Sonur minn er dæmdur barnaníðingur en ég get ekki hætt að elska hann,“ segir kona í bréfi sínu til Dear Deidre, kynlífs- og sambandsráðgjafa The Sun.

„Sonur minn er 38 ára og er í fangelsi fyrir að stunda kynlíf með 13 ára stelpu. Hann þungaði hana meira að segja þannig ég á barnabarn sem ég mun aldrei fá að hitta.“

Konan hefur lært meira um son sinn eftir að hann fór í fangelsi. „Ég komst nýlega að því að hann misnotaði frændsystkin sín þegar hann var unglingur og þau voru börn,“ segir hún.

„Ég er 60 ára og ég hata hann fyrir það sem hann hefur gert, en hann er ennþá sonur minn og ég get ekki sleppt honum. Einhver hlýtur að hafa misnotað hann sem barn til þess að hann sé svona. Hann er einn í fangelsi og mjög viðkvæmur. Ég er mjög hrædd um að eitthvað gerist fyrir hann. Hvernig sætti ég mig við þetta? Mér finnst ég misheppnuð móðir.“

Deidre svarar konunni og segir að þetta sé ekki henni að kenna.

„Sama hvað gerðist fyrir son þinn þá var hann alltaf með val. Tilfinningar þínar eru eðlilegar, móðir hættir ekki að elska son sinn þó hann geri ljóta hluti. Þú þarft stuðning frá fólki sem sýnir þér skilning og dæmir þig ekki.“