Í gær birti HBO Max nýja stiklu úr „Friends Reunion“. Þátturinn verður aðgengilegur á streymisveitunni þann 27. maí næstkomandi.

Sjá einnig: Loksins! Ný stikla úr Friends Reunion– Fyrstu atriðin úr þættinum opinberuð

Aðdáendur hafa nú lýst yfir áhyggjum sínum vegna yfirbragðs Matthew Perry, leikarans sem fór með hlutverk Chandler í Friends, í viðtali við People sem kom einnig út í gær.

Að mati áhyggjufullra netverja virðist Matthew tala óskýrt í viðtalinu og „hegða sér vandræðalega.“

Meðal þess sem netverjar benda á er að Matthew stamaði nokkrum sinnum í viðtalinu, bar orð fram óskýrt á einum tímapunkti og starði stundum út í tómið.

„Ég var að sjá viðtalið við People og ég átti erfitt með að horfa á Matthew Perry. Í alvöru, þetta brýtur í mér hjartað,“ sagði einn aðdáandi á Twitter.

Is Matthew Perry ok? His speech is so slurred.

— Jack (@Jack_Gooding) May 19, 2021

„Það er erfitt að sjá Matthew Perry svona. Hann virðist ekki vera alveg í lagi, starir út í tómið og talar hægt,“ segir annar.

„Ég hata að segja þetta, en ég er sorgmædd og ógeðslega hrædd fyrir hönd Matthew Perry,“ sagði aðdáandi.

Matthew hefur verið opinn um baráttu sína við fíkn í gegnum árin. Hann ánetjaðist sterkum verkjatöflum eftir sæþotuslys árið 1997.

Í viðtali við BBC Radio 2 árið 2016 sagðist Matthew ekki muna eftir þremur árum af þáttunum. „Einhvern tíma á milli þáttaraðar þrjú og sex, þá var ég svolítið út úr því,“ sagði hann.

Matthew fór í meðferð árið 1997, 2001 og aftur árið 2011.