Bradlee Bryant er móðir, eiginkona og sjálftitlaður „kynlífskönnuður“. Hún og eiginmaður hennar prófuðu makaskipti (e. swinging) í fyrsta skipti og er óhætt að segja að það hafi ekki staðist væntingar þeirra.

Bradlee er pistlahöfundur og birtir greinar á medium.com. Í nýjasta pistlinum afhjúpar hún hvernig makaskipti eru í raun og veru.

Bradlee er 35 ára og hefur verið með eiginmanni sínum í tíu ár. Þau ákváðu að prófa makaskipti og fundu myndarlegt par sem var til í tuskið með þeim. Bradlee segir að hún hefði verið fyrir verulegum vonbrigðum og að kynlífið heima með eiginmanninum sé betra.

„Mér hefði aldrei dottið í hug að raunveruleiki makaskipta væri annar en spennandi fantasían sem ég hafði gert mér í hugarlund,“ segir hún. „Við vorum tilbúin að gefa upp þægindi okkar fyrir spennuna um nýjan bólfélaga, en við vorum ekki að búast við að bólfélagarnir væru ekki mjög góðir í kynlífinu sjálfu.“

Hún viðurkennir að hún og eiginmaður hennar hafi verið taugaóstyrk fyrir makaskiptin og hefðu viljandi valið látlaust og venjulegt par þar sem þetta yrðu þeirra fyrstu makaskipti.

Kvöldið byrjaði vel, þau borðuðu saman kvöldmat og sötruðu nokkra drykki. En spennan sem hún upplifði við matarborðið færðist ekki yfir í svefnherbergið.

Hún segir að hvorki hún né eiginmaður hennar hafi fengið fullnægingu þetta kvöld og það hefði verið ákveðinn skellur. En miðað við kommentakerfið við greinina þá er það ekki óalgeng reynsla. Einn maður sagði að hann fái aldrei fullnægingu þegar hann er með bólfélaga, en hann og eiginkona hans líta á makaskiptin sem „forleik“.