Myndband úr ástralskri giftingu hefur undanfarið vakið mikla athygli á netinu.
Leiven og Catrin Bene héldu upp á brúðkaupið sitt síðastliðinn nóvember en nýlega hefur myndband úr giftingunni vakið mikla athygli á samfélagsmiðlinum TikTok. Í myndbandinu er brúðurin við það að kasta blómvendi aftur fyrir sig en hættir svo við og réttir vinkonu sinni vöndinn. Þá fer kærasti vinkonunnar á skeljarnar og biður hana um að giftast sér. Hún segir já og allir gestirnir fagna.
Svo virðist vera sem nýgiftu hjónin hafi glöð viljað deila deginum með vinum sínum en ljóst er að ekki allir hefðu verið jafn sáttir. Í athugasemdunum við myndbandið má sjá mikla reiði fólks sem myndi alls ekki vilja sjá svona gerast í sínu brúðkaupi. „Þú bíður allt líf þitt eftir fullkomna brúðkaupinu bara til að einhver annar láti það snúast um sig, ég er góður vinur en ég myndi aldrei leyfa þetta,“ segir til að mynda einn í athugasemdunum.
Leiven Bene ræddi um málið við Daily Mail en þar sagðist hann hafa skipulagt þetta með manninum sem bauð kærustunnar sinnar en maðurinn er vinur hans. Í athugasemdum sökuðu einhverjir hann um að hafa eyðilagt brúðkaupið með því að skipuleggja bónorðið með vini sínum en Leiven vísaði því á bug. „Við vorum mjög ánægð með að gefa þeim tvær mínútur af kvöldinu okkar til að gera kvöldið þeirra frábært,“ sagði Leiven.
Myndbandið af TikTok má sjá hér fyrir neðan:
@laiivvewhen your bestmate proposes at your wedding ##fyp ##wedding ##suprise ##foryoupage ##foryou ##lovestory
