„Ég ætla að kveikja neistana aftur í sambandinu með því að koma Vic á óvart með rómantísku kvöldi,“ segir kona sem kölluð er Apple í þættinum Extreme Cheapskates sem birtur var á YouTube-rás TLC.

Í þættinum sýnir Apple hvernig hún undirbýr kvöldstundina á sem ódýrastan máta. „Venjulega konan eyðir hundruðum dollara í hárgreiðslu eða vax. Ég ætla að finna leið til að eyða undir 100 dollurum í allt saman fyrir kvöldið,“ segir Apple en hún byrjar á að finna sér föt fyrir kvöldið.

Hún fer í búð sem selur notuð föt og hyggst kaupa nærföt þar. „Það að kaupa notuð nærföt er frábær leið til að krydda upp á hlutina í svefnherberginu,“ segir hún. „Sumum finnst það ógeðslegt að kaupa notuð nærföt en mér finnst ekkert að því.“

Apple velur sér nokkur pör og fer í mátunarklefana. Þá þefar hún af einum nærbuxunum. „Ég velti því fyrir mér hversu margir hafa klæðst þessum streng áður,“ segir hún í kjölfarið. Hún velur sér svartan náttkjól og prúttar við starfsmann búðarinnar. Hún segist ætla einnig að kaupa slopp og spyr hvort hún geti ekki fengið afslátt ef hún kaupir þessa tvo hluti. Starfsmaðurinn neitar en þá segir Apple að þetta sé að fara að bjarga hjónabandinu hennar. Þá fær hún afslátt upp á tvo dollara.

Eftir þetta fer Apple á fleiri staði þar sem hún reynir að fá sem besta verðið. Hún mætir til að mynda sjálf með hárlengingar á hárgreiðslustofuna og sitt eigið vax á snyrtistofuna. Starfsmaðurinn á snyrtistofunni vildi þó ekki nota hennar vax. Þá fékk hún fríar ilmvatnsprufur fyrir kvöldið í snyrtivöruverslun. Starfsfólkið í búðunum var ekki svo hrifið af henni. „Hún er fín stelpa en hún kemur hingað alltaf en kaupir aldrei neitt.“

Þáttinn má sjá hér fyrir neðan: