Dagur íslenskrar tungu var í gær og af því tilefni rifjuðu margir upp auglýsingu sem tónlistarhúsið Harpa birti á þessum degi fyrir fjórum árum síðan þar sem bent var á að tónlistarhúsið héti einfaldlega Harpa, en ekki Harpan eins og flestir kalla það. Tilefni upprifjunarinnar var frétt RÚV frá í gær þar sem fjallað var um hvernig greinirinn bættist við nafn Hörpu.
Þó að um fjögurra ára auglýsingu væri að ræða ætlaði allt um koll að keyra í netheimum. Sérstaklega þegar aðrir fóru að benda á önnur sambærileg tilvik úr hversdagsleikanum.
Jóhannesi Hauki Jóhannessyni, leikara, var til dæmis gróflega miðsboðið og sagði það „menntasnobb og yfiræti“ að ætla að skikka almenning til að hætt að segja Harpan.
Og hvað? Er ég bara einhver hálfviti ef ég segi Harpan? Finnst þetta bara alls ekki sambærilegt við að setja greini á mannanöfn. Menntasnobb og yfirlæti. Kann ekki við þetta. Bara alls ekki. Svona fer þveröfugt í mig. Fussumsvei. Annars góður. https://t.co/L3rxb9MBvr
— Jóhannes Haukur (@johanneshaukur) November 16, 2021
Margir tóku undir með Jóhannesi í athugasemdum þó að einn hafi þó ekki getað setið á sér og spurði hvers vegna Jóhannes væri að rifja upp fjögurra ára auglýsingu.
„Ég er búinn að byrjga þetta inni í mér allan þennan tíma. Þetta varð að koma út,“ svaraði Jóhannes þá.
Ein sagði máli minna hana á vonlausa baráttu sumra foreldra gegn gælunöfnum í gamla daga.
Þessi Hörpurembingur minnir mig á vonlausa baráttu sumra foreldra in the 90s þegar krakkar voru að hringja og spyrja eftir vini með gælunafni:
„Hæ, er Halli heima?“
„Nei.“
„Ó, ok…“
„En HALLGRÍMUR er heima. Ertu að spyrja eftir honum?“— Ósk (@oskoskars) November 16, 2021
Netverjum virðist ekki líka vel að vera sagt hvað þeir eigi eða megi kalla tónlistarhúsið við höfnina í Reykjavík. Hvað sem eigendur staðarins segja þá sé komin venja og hefð í samfélaginu að bæta greininum við nafnið og tónlistarhúsið heitir því Harpan.
Konan mín heitir Harpa, þetta hús niður við höfn er Harpan. #sorríjónas
— Kari Solmundarson (@karisolmundar) November 16, 2021
Þetta fólk sem á Hörpuna segir mér ekkert hvort það sé Harpa eða Harpan
1/355
— Hörður Danish Ágústsson (@horduragustsson) November 17, 2021
Það sem mér finnst hvað fallegast við málið er að það er stjórnlaust. Stigveldi innan þess og valdboð er blekking. Forsvarsfólk hússins ræður ekki hvað #Harpan er kölluð, heldur hvert og eitt okkar.
— Hlöðver Stefán Þorgeirsson (@hlodverstefan) November 16, 2021
Samkvæmt þessum heimildum kemur í ljós að húsið heitir í raun Harpan pic.twitter.com/1A6rJdoHO6
— Orri Tómasson (@orritomasson) November 17, 2021
Mörgum var svo öllum lokið þegar bent var á að Esjan okkar heitir alls ekki Esjan heldur Esja án greinisins. Laugardalshöllin heitir líka bara Laugardalshöll. Þó virtust sumur hafa verið meðvitaðir um það beðið færis á því að fá aðra í lið með sér að tala um að fara á Esju en ekki Esjunna.
Það hefur aldrei verið annað en Esja. Óþarfi að klína þessum greini út um allt. Fjallið er fínt en illa farið af kerfil og lúpínu.
— Ásdís Thoroddsen (@ThoroddsenAsdis) November 17, 2021
Esjan, Laugardagshöllin, Harpan…
— Magnus Ragnarsson (@MagnusRagnars) November 17, 2021
https://t.co/L6Kbp5kmHJ pic.twitter.com/TBOPoiqq1Q
— Guðrún Andrea (@grullubangsi) November 16, 2021
Ljóst er að þó umrædd auglýsing sé fjögurra ára gömul komi hún enn illa við landsmenn. Netverjar lýsa því margir yfir að þeir muni aldrei tala um neitt annað en Hörpuna með greini og jafnvel einstaklingar sem höfðu farið rétt með nafnið eru að íhuga að fara að bæta greininum við í mótmælaskyni. Aðrir reyndu að finna málamiðlun.
Getum við ekki öll sammælst um að segja bara alltaf Harpan héðan í frá? Þessi passive agressive ad campaign á ekkert gott skilið imo😅
— Magnús H. Jónasson (@Maggih90) November 16, 2021
Mótþróaröskunin segir að hér eftir verið húsið kallað Herpill eða jafnvel Herpillinn í kringum mig. Fínasta beygingaræfing. Þangað til ég kalla það aftur Hörpuna, til aðgreiningar frá öðrum Hörpum.
— Pétur Jónsson (@senordonpedro) November 16, 2021
Ég er að spá í að byrja að skrifa alltaf bara Harpann
— Guðmundur Jörundsson (@gudmundur_jor) November 17, 2021
Hörpurinn https://t.co/AK2uhItAfr
— Björn Friðgeir Björnsson (@bjornfr) November 16, 2021
Einfaldasta lausnin á þessu er einfaldlega að rebranda Hörpuna sem Pétur eða Gunnar eða Sigþrúður. https://t.co/ee58UopyFT
— Eirikur Ragnarsson (@eikonomics_eiki) November 17, 2021
Persónulega er ég meira fyrir La Harpa
— Sigurður Ingi Ricardo (@Ziggi92) November 17, 2021
